സാമ്പത്തികം, ഐടി, എണ്ണ, വാതകം എന്നിവയാണ് ബിഎസ്ഇയിലും എൻഎസ്ഇയിലും മുന്നേറുന്ന ഓഹരികൾ
മുംബൈ : ഓഹരി വിപണി നേട്ടത്തോടെ ആരംഭിച്ചു. ഒരു മാസത്തെ ഏറ്റവും ഉയർന്ന നിരക്കിലാണ് സൂചികകൾ. മാന്ദ്യത്തെക്കുറിച്ചുള്ള ആശങ്കകൾക്കിടയിലും ഇന്ത്യൻ ഓഹരി വിപണി നേട്ടത്തോടെ ആരംഭിച്ചിരിക്കുമാകയാണ്. സെൻസെക്സ് സൂചിക 498.8 പോയിൻറ് ഉയർന്ന് 54,249.7 ൽ എത്തി. നിഫ്റ്റി 16,100 കടക്കുകയും ചെയ്തു
സാമ്പത്തികം, ഐടി, എണ്ണ, വാതകം എന്നിവയാണ് ബിഎസ്ഇയിലും എൻഎസ്ഇയിലും മുന്നേറുന്ന ഓഹരികൾ. വ്യാപാരം ആരംഭിച്ചപ്പോൾ ഇത് 0.9 ശതമാനം വരെ ഉയർന്നു.
ഇൻഫോസിസ്, ഐസിഐസിഐ ബാങ്ക്, ടൈറ്റൻ, ടിസിഎസ് എന്നിവയാണ് പ്രധാന സൂചികകളിലെ നേട്ടത്തിന് ഏറ്റവും കൂടുതൽ സംഭാവന നൽകിയത്. ടിസിഎസ് ഓഹരികൾ 1.5 ശതമാനം വരെ ഉയർന്നു.
ഐസിഐസിഐ ബാങ്ക്, കോൾ ഇന്ത്യ, ഐഷർ മോട്ടോഴ്‌സ്, ബജാജ് ഫിൻസെർവ്, എച്ച്‌ഡിഎഫ്‌സി ലൈഫ്, ഭാരത് പെട്രോളിയം എന്നിവയും ഒരു ശതമാനത്തിലധികം ഉയർന്ന് നേട്ടത്തിലാണുള്ളത്. അതേസമയം ബ്രിട്ടാനിയയും ഭാരതി എയർടെലും യഥാക്രമം 0.2 ശതമാനവും 0.1 ശതമാനവും താഴേക്ക് പോയി.