കൊച്ചിയില് കഞ്ചാവ് വേട്ട; പത്ത് കിലോ മൈസൂര് 'മാംഗോ' പിടിച്ചു
Synopsis
കൊച്ചി: പുതുവത്സരാഘോഷം ലക്ഷ്യമിട്ട് കൊച്ചിയില് വന്തോതില് ലഹരി മരുന്ന് വ്യാപാരം. ഇന്നലെ ഹെറോയിന് പിടികൂടിയതിന് പിന്നാലെ ആലുവയില് ഇന്ന് പത്ത് കിലോ കഞ്ചാവുമായി ഒരാള് പിടിയിലായി. എക്സൈസ് സ്പെഷ്യല് സ്ക്വാഡിന്റെ പരിശോധനയിലാണ് ലഹരി വസ്തുക്കള് പിടികൂടിയത്. മൈസൂര് മാംഗോ എന്ന പേരിലറിയപ്പെടുന്ന പ്രത്യേകയിനം കഞ്ചാവാണ് പിടിച്ചെടുത്തത്.
കിലോയ്ക്ക് അമ്പതിനായിരം രൂപവരെ വിപണിവിലയുള്ള ഈ കഞ്ചാവ് മൈസൂരുവില് നിന്നാണ് എത്തിക്കുന്നത്. ഏതാനും ആഴ്ചകളായി ഇത്തരം കഞ്ചാവെത്തിക്കുന്ന സംഘത്തിനെ പിന്തുടരുകയായിരുന്നു എക്സൈസ് സംഘം. ഇന്ന് വൈകിട്ട് ആലുവ റെയില്വെ സ്റ്റേഷന് പരിസരത്ത് നടത്തിയ പരിശോധനയിലാണ് മൈസൂര് മാംഗോ എത്തിക്കുന്ന കണ്ണികളില് പ്രധാനിയായ സയീദ് ഇര്ഫാന് പിടിയിലായത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam