മെയ് ഒന്നുമുതല് യുഎഇയില് പെട്രോളിന് 10 ശതമാനം വിലകൂടും
Synopsis
യു.എ.ഇയില് സ്പെഷ്യല് ഗ്രേഡ് പെട്രോളിന് ലിറ്ററിന് ഒരു ദിര്ഹം 67 ഫില്സായാണ് വില വര്ദ്ധിപ്പിക്കുന്നത്. നിലവില് ഇത് ഒരു ദിര്ഹം 51 ഫില്സാണ്. 10.6 ശതമാനത്തിന്റെ വര്ദ്ധനവാണിത്. പുതുക്കിയ നിരക്ക് മെയ് ഒന്ന് മുതല് നിലവില് വരും. പെട്രോള് സൂപ്പറിന് ഒരു ദിര്ഹം 62 ഫില്സില് നിന്ന് ഒരു ദിര്ഹം 78 ഫില്സായും ഇ പ്ലസിന് ഒരു ദിര്ഹം 44 ഫില്സില് നിന്ന് ഒരു ദിര്ഹം 60 ഫില്സായും വില വര്ദ്ധിക്കും. ഏറ്റവും വില കുറഞ്ഞ പെട്രോളായ ഇ പ്ലസിന് 11.11 ശതമാനത്തിന്റെ വര്ദ്ധനവാണ് വരുത്തിയിരിക്കുന്നത്.
ഡീസലിനും വില വര്ദ്ധിപ്പിച്ചിട്ടുണ്ട്. ലിറ്ററിന് ഒരു ദിര്ഹം 56 ഫില്സുള്ള ഡീസലിന് ഇനി ഒരു ദിര്ഹം 60 ഫില്സ് നല്കണം. 2.56 ശതമാനത്തിന്റെ താരതമ്യേന കുറഞ്ഞ വില വര്ദ്ധനവാണ് ഡീസലിന് വരുത്തിയിരിക്കുന്നത്. 2015 ഓഗസ്റ്റ് മുതലാണ് യുഎഇയില് പെട്രോള്, ഡീസല് എന്നിവയ്ക്ക് വില നിയന്ത്രണം എടുത്തുകളഞ്ഞത്. അതുകൊണ്ട് തന്നെ കഴിഞ്ഞ മാര്ച്ച് വരെ പെട്രോള് വില ഓരോ മാസവും അധികൃതര് കുറച്ചിരുന്നു. എന്നാലിപ്പോള് ഏപ്രില് മുതല് തുടര്ച്ചയായി രണ്ട് മാസം വില വര്ദ്ധിപ്പിക്കുന്ന അവസ്ഥയാണുള്ളത്. ഡീസലിനാകട്ടെ മാര്ച്ച് മുതല് വിലവര്ദ്ധനവ് വരുത്തുന്നുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam