അഫ്ഗാനില് അമേരിക്കന് വ്യോമാക്രമണം; 11 ഐഎസ് തീവ്രവാദികള് കൊല്ലപ്പെട്ടു
Synopsis
കാബൂള്: അഫ്ഗാനിസ്ഥാനില് അമേരിക്ക ആളില്ലാ വിമാനങ്ങള് ഉപയോഗിച്ച് നടത്തിയ ആക്രമണത്തില് 11 ഇസ്ലാമിക് സ്റ്റേറ്റ് ഭീകരര് കൊല്ലപ്പെട്ടു. നന്ഗര്ഹാര് പ്രവിശ്യയിലാണ് ഇന്ന് അമേരിക്ക ആക്രമണം നടത്തിയത്. ദെഹ് ബല ജില്ലകളിലാണ് ആക്രമണം നടത്തിയതെന്നാണ് അഫ്ഗാന് സൈന്യം പുറത്തുവിട്ട വാര്ത്താക്കുറിപ്പില് പറയുന്നത്. ആയുധങ്ങളുമായി ഈ പ്രദേശത്ത് തമ്പടിച്ചിരുന്ന ഭീകരരെ കൊലപ്പെടുത്തിയെന്ന് സൈന്യം അവകാശപ്പെട്ടു. എന്നാല് ഹസ്ക മിന ജില്ലയിലാണ് ആക്രമണം നടന്നതെന്ന് പ്രവിശ്യാ ഭരണകൂടം അറിയിച്ചു. കഴിഞ്ഞ വ്യാഴാഴ്ച യുഎസ് നടത്തിയ വ്യോമാക്രമണത്തില് എട്ട് ഐ.എസ് ഭീകരര് കൊല്ലപ്പെട്ടിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam