ഖത്തറില് ലേബര് ക്യാംപിനു തീപിടിച്ച് 11 തൊഴിലാളികള് മരിച്ചു
Synopsis
ദോഹ: ഖത്തറില് ലേബര് ക്യാമ്പിനു തീപിടിച്ച് 11 തൊഴിലാളികള് മരിച്ചു. കത്തിക്കരിഞ്ഞ മൃതദേഹങ്ങള് ഇതുവരെ തിരിച്ചറിഞ്ഞിട്ടില്ല. മരിച്ചവരില് ഇന്ത്യക്കാര് ഉള്പ്പെട്ടിട്ടില്ലെന്നാണു പ്രാഥമിക വിവരം.
ബുധനാഴ്ച അര്ധരാത്രിയുണ്ടായ അപകടത്തെ സംബന്ധിച്ചു വിവരങ്ങള് ഏറെ വൈകി മാത്രമാണ് അധികൃതര് പുറത്തു വിട്ടത്. മൃതദേഹങ്ങള് ഹമദ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. സല്വ ടൂറിസം പ്രോജക്റ്റിന്റെ നിര്മാണ പ്രവര്ത്തനങ്ങള് ഏറ്റെടുത്ത കമ്പനിയിലെ തൊഴിലാളികളാണു മരിച്ചത്.
മൃതദേഹങ്ങള് പൂര്ണമായും കത്തിക്കരിഞ്ഞ നിലയിലാണ്. ഡിഎന്എ പരിശോധന ഉള്പെടെയുള്ള അന്വേഷണം പൂര്ത്തിയായാല് മാത്രമേ മരിച്ചവര് ഏതു രാജ്യക്കാരാണെന്ന് തിരിച്ചറിയാന് കഴിയൂ.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam