മുംബൈയില്നിന്ന് 26 പാകിസ്ഥാന്കാരെ കാണാതായി
Synopsis
മുംബൈ: മുംബൈയില് ഉണ്ടായിരുന്ന 26 പാകിസ്ഥാന് സ്വദേശികളെ കാണാതായതായി റിപ്പോര്ട്ട്. ഇതേത്തുടര്ന്ന് മുംബൈയില് പൊലീസ് അതീവ ജാഗ്രത പ്രഖ്യാപിച്ചിരിക്കുകയാണ്. കഴിഞ്ഞ രണ്ടു-മൂന്നു ആഴ്ചകള്ക്കിടയിലാണ് 26 പാകിസ്ഥാന് പൗരന്മാരെ മുംബൈയില്നിന്ന് കാണാതായത്. ഇവര്ക്കായി പൊലീസ് അന്വേഷണം ഊര്ജ്ജിതമായി നടന്നുവരികയാണ്. മഹാരാഷ്ട്ര തീവ്രവാദവിരുദ്ധ സേനയാണ് തെരച്ചലിന് നേതൃത്വം നല്കുന്നത്. കാണാതയവരില് ജുഹൂവില് പത്തു വര്ഷമായി കച്ചവടം നടത്തിവരികയായിരുന്ന ഒരാളുമുണ്ടെന്നാണ് റിപ്പോര്ട്ട്. ഇന്ത്യന് മുജാഹിദ്ദീന് എന്ന തീവ്രവാദസംഘടനയുടെ പ്രവര്ത്തനം ഇന്ത്യയില് വ്യാപകമാണെന്ന് റിപ്പോര്ട്ടുണ്ട്. ഇന്ത്യയിലുള്ള പാക് പൗരന്മാര് മുഖേന ഐ എസ് ഐയാണ് ഇന്ത്യന് മുജാഹിദ്ദീന്റെ പ്രവര്ത്തനങ്ങള്ക്ക് ചുക്കാന് പിടിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam