നരണിപ്പുഴ തോണി അപകടം: ആറ് കുട്ടികളുടെ മൃതദേഹങ്ങള്‍ ഇന്ന് സംസ്കരിക്കും

ചങ്ങരംകുളം: മലപ്പുറം ചങ്ങരംകുളത്തിനടുത്ത് നരണിപ്പുഴയിൽ തോണി മറിഞ്ഞ് മരിച്ച ആറ് കുട്ടികളുടെ മൃതദേഹം ഇന്ന് ഇൻക്വസ്റ്റ് നടപടികൾ പൂർത്തിയാക്കി ബന്ധുക്കൾക്ക് വിട്ടുകൊടുക്കും. കുട്ടികളുടെ മൃതദേഹം പോസ്റ്റ്മോർട്ടം ഒഴിവാക്കിയാകും ബന്ധുക്കൾക്ക് വിട്ടു നൽകുക.

അപകടത്തിൽ പരിക്കേറ്റവരേയും മരിച്ചവരുടെ ബന്ധുക്കളേയും മുഖ്യമന്ത്രി പിണറായി വിജയൻ, സ്പീക്കർ പി.ശ്രീരാമകൃഷ്ണൻ മന്ത്രിമാരായ എ സി മൊയ്തീൻ,സി രവീന്ദ്രനാഥ് തുടങ്ങിയവർ ഇന്നലെ രാത്രി ആശുപത്രിയിലെത്തി  സന്ദർശിച്ചു.അപകടത്തെ തുടർന്ന് ചങ്ങരംകുളത്തെ രണ്ട് പഞ്ചായത്തുകളിൽ ഇന്ന് ഹർത്താൽ ആചരിക്കുകയാണ്.