ജാമ്യം കിട്ടുമെന്ന പ്രതീക്ഷയില്‍ കോടതില്‍ കീഴങ്ങിയ പ്രതി റിമാന്റ് ചെയ്യുമെന്നറിഞ്ഞപ്പോള്‍ മുങ്ങി

കാസര്‍ഗോഡ്: വധശ്രമക്കേസില്‍ ജാമ്യം കിട്ടുമെന്ന പ്രതീക്ഷയില്‍ കോടതിയില്‍ ഹാജരായ പ്രതി റിമാന്‍ഡ് ചെയ്യുമെന്നറിഞ്ഞതോടെ മുങ്ങി. കാസര്‍ഗോഡ് മധൂര്‍ സ്വദേശി ഫത്താഹാണ് കോടതിയില്‍ നിന്നും രക്ഷപ്പെട്ടത്. കഴിഞ്ഞ വര്‍ഷം കാസര്‍ഗോട് ചായനടി സ്വദേശി നൗഫലിനെ കുത്തി കൊലപ്പെടുത്താന്‍ ശ്രമിച്ച കേസിലെ ആറാം പ്രതിയാണ് ഫത്താഹ്. സംഭവത്തിന് ശേഷം ഇയാള്‍ വിദേശത്തേക്ക് കടക്കുകയായിരുന്നു. ഫത്താഹിനെ പിടികൂടുന്നതിനായി കോടതി വാറന്റും പുറപ്പെടുവിച്ചിരുന്നു. നാട്ടിലെത്തിയതിന് ശേഷം ഇയാള്‍ തനിച്ചാണ് കോടതിയിലെത്തി കീഴടങ്ങിയത്. ജാമ്യം കിട്ടുമെന്ന പ്രതീക്ഷയിലായിരുന്നു ഇത്. എന്നാല്‍ കോടതി റിമാന്‍ഡ് ചെയ്യുമെന്നറിഞതോടെ പ്രതി കോടതിയില്‍ നിന്നും രക്ഷപ്പെടുകയായിരുന്നു. കോടതി സുപ്രണ്ടിന്റെ പരാതിയില്‍ ഇയാളെ പിടികൂടാനായുള്ള അന്വേഷണത്തിലാണിപ്പോള്‍ പൊലീസ്.