പയ്യന്നൂരിൽ നാടോടി ബാലികയെ തട്ടിക്കൊണ്ട് പോകാൻ ശ്രമിച്ച കേസിലെ പ്രതി ഒളിവിലെന്ന് പൊലീസ്

പ്രതി ബേബിരാജ് സംസ്ഥാനം വിട്ടതായും സംശയം

കണ്ണൂർ: പയ്യന്നൂരിൽ നാടോടി ബാലികയെ തട്ടിക്കൊണ്ട് പോകാൻ ശ്രമിച്ച കേസിലെ പ്രതി ഒളിവിലെന്ന് പൊലീസ്. പ്രതി ബേബിരാജ് സംസ്ഥാനം വിട്ടതായും സംശയം. കഴിഞ്ഞ ബുധനാഴ്ച പുലർച്ചെയാണ് കുടുംബത്തോടൊപ്പെം ഉറങ്ങിക്കിടക്കുകയായിരുന്ന ഏഴു വയസ്സുകാരിയെ തട്ടിക്കൊണ്ടുപോകാൻ ശ്രമം നടന്നത്. കുട്ടി ബഹളം വച്ചതിനെ തുട‍ർന്ന് ബന്ധുക്കളെത്തി രക്ഷപ്പെടുത്തുകയായിരുന്നു. 

ഇതിനിടെ യുവാവ് ഇവരെ ആക്രമിക്കാൻ ശ്രമിച്ചതായും പരാതിയുണ്ട്. പീഡന ശ്രമമായിരുന്നുവെന്നാണ് പ്രാഥമിക നിഗമനം. സംഭവത്തിൽ പയ്യന്നൂർ പൊലീസ് കേസെടുത്ത് അന്വേഷണം തുടങ്ങി. അതേസമയം കേസ് ഒത്തുതീർപ്പാക്കാൻ യുവാവിന്‍റെ അഭിഭാഷകൻ സ്രമിച്ചതായും നാടോടി കുടുംബം ആരോപിക്കുന്നുണ്ട്.