സൈബര് ആക്രമണം: നടി പാര്വ്വതി പൊലീസില് പരാതി നല്കി
Synopsis
കൊച്ചി: സൈബര് ആക്രമണത്തിനെതിരെ നടി പാര്വ്വതി പൊലീസില് പരാതി നല്കി. സോഷ്യൽ മീഡിയയിലൂടെ തന്നെ വ്യക്തിഹത്യ നടത്താൻ ശ്രമം നടക്കുന്നതായും മോശമായ ഭാഷയിൽ അധിക്ഷേപിച്ചെന്നുമാണ് പാർവതിയുടെ പരാതി. നടിയുടെ പരാതി സ്വീകരിച്ച സൈബർ പോലീസ്, സംഭവത്തിൽ അന്വേഷണം ആരംഭിച്ചതായി അറിയിച്ചു.
മമ്മൂട്ടി സിനിമ 'കസബ'യെക്കുറിച്ചുള്ള പരാമര്ശത്തിന് ശേഷമാണ് നടിക്കെതിരെ സൈബര് ആക്രമണം തുടങ്ങിയത്. ഐഎഫ്എഫ്കെ വേദിയില് സ്ത്രീവിരുദ്ധ പരാമര്ശങ്ങള് നിറഞ്ഞ ചിത്രത്തെ വിമര്ശിച്ചതിന്റെ പേരിലാണ് പാര്വതിക്ക് സമൂഹമാധ്യമങ്ങളില് കടുത്ത വിമര്ശനം നേരിടേണ്ടിവന്നത്.
നിര്ഭാഗ്യവശാല് ആ പടം കാണേണ്ടി വന്നു, അതൊരു സിനിമയാണെന്നു പോലും ഞാന് പറയുന്നില്ലെന്നുമാണ് പാർവതി സിനിമയെ കുറിച്ച് പറഞ്ഞത്. ആദ്യം സിനിമയുടെ പേര് പറഞ്ഞില്ലെങ്കിലും പിന്നീട് ഒപ്പമുണ്ടായിരുന്ന നടി ഗീതു മോഹന്ദാസിന്റെ നിര്ബന്ധ പ്രകാരമാണ് പേര് പറഞ്ഞത്. പാര്വ്വതിയെ അനുകൂലിച്ചും പ്രതികൂലിച്ചും സിനിമ മേഖലയില് നിന്ന് തന്നെയുള്ള നിരവധി പ്രമുഖര് രംഗത്തെത്തിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam