വീണ്ടും മുടങ്ങി; താളംതെറ്റി കെഎസ്ആര്ടിസി പെന്ഷന് വിതരണം
Synopsis
വീണ്ടും താളംതെറ്റി കെഎസ്ആര്ടിസി പെന്ഷന് വിതരണം
തിരുവനന്തപുരം: കെഎസ്ആര്ടിസിയില് വീണ്ടും പെന്ഷന് മുടങ്ങി. ഏപ്രില് മാസത്തെ പെന്ഷന് ഇനിയും വിതരണം ചെയ്തിട്ടില്ല. അര്ഹരായവരുടെ പട്ടിക സംബന്ധിച്ച അവ്യക്തതകളാണ് പെന്ഷന് വിതരണത്തിന്റെ താളം തെറ്റിച്ചത്.
സഹകരണ വകുപ്പും പെന്ഷന് വിതരണം മുടങ്ങാതിരിക്കാന് വലിയ ജാഗ്രതയാണ് സര്ക്കാര് സ്വീകരിച്ചത്. ജൂലൈ വരെ മുടക്കം കൂടാതെ വിതരണം ചെയ്യാനുള്ള പണം സഹകരണ വകുപ്പിനെ ഏല്പിച്ചിരുന്നു.എന്നാല് ഏപ്രില് ആദ്യവാരം കിട്ടേണ്ട പെന്ഷന് ഇനിയും കിട്ടിയിട്ടില്ല. ഇതിനായുള്ള പണം ബാങ്കുകളില് എത്തിയിട്ടുമില്ല .272 പേര്ക്ക് മാര്ച്ച് മാസത്തെ പെന്ഷനും കിട്ടാനുണ്ട്.
പുതിയ നടപടിക്രമമനുസരിച്ച് ഓരോ മാസവും അര്ഹരായവരുടെ പുതിയ പട്ടിക കെ എസ്ആര്ടിസി സഹകരണവകുപ്പ് രജിസ്റ്റാര്ക്ക് കൈമാറണം. ഈ പട്ടിക അനുസരിച്ചാണ് സഹകരണവകുപ്പ് പെന്ഷന് തുക ബാങ്കുകളില് എത്തിക്കുന്നത്.കെഎസ്ആര്ടിസിയുടെ നടപടികളില് വീഴ്ച സംഭവിച്ചിട്ടില്ലെന്നും, അര്ഹരായവരുടെ പട്ടിക നേരത്തെ കൈമാറിയിട്ടുണ്ടെന്നുമായിരുന്നു എംഡി ടോമിന്തച്ചങ്കരിയുടെ പ്രതികരണം.
എന്നാല് കെഎസ്ആര്ടിസി കൈമാറിയ പട്ടികയില് അവ്യക്തകള് ഉണ്ടായിരുന്നെന്നും, തെറ്റുകള് പരിഹരിച്ച പട്ടിക രണ്ട് ദിവസം മുന്പ് മാത്രമാണ് കിട്ടിയതെന്നുമാണ് സഹകരണ വകുപ്പിന്റെ മറുപടി. വിതരണം ഉടന് നടക്കുമെന്നുമാണ് ഉറപ്പ്. കൊട്ടിഘോഷിച്ച് പുനസ്ഥാപിച്ച പെന്ഷന് വിതരണമാണ് വീണ്ടും താളം തെറ്റിയത്. നടപടികള് വൈകുമ്പോള് കെഎസ്ആര്ടിസിയും സഹകരണവകുപ്പും പരസ്പരം പഴിചാരി തലയൂരാനുള്ള ശ്രമത്തിലാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam