ആര്.കെ നഗര് ഉപതെരഞ്ഞെടുപ്പ്; വിജയമുറപ്പെന്ന് ടി.ടി.വി ദിനകരന്
Synopsis
തിരുവന്തപുരം: ആര്.കെ നഗറില് വിജയമുറപ്പെന്ന് ടി.ടി.വി ദിനകരന് ഏഷ്യാനെറ്റ് ന്യൂസിനോട്. രണ്ടില ചിഹ്നം തിരിച്ചുപിടിക്കാന് മാത്രമല്ല എഐഎഡിഎംകെയെ രക്ഷിക്കാന് കൂടിയാണ് തന്റെ പോരാട്ടമെന്ന് ടി.ടി.വി ദിനകരന് തിരുവനന്തപുരത്ത് പറഞ്ഞു. ഇന്ത്യന് രാഷ്ട്രീയം കാത്തിരിക്കുന്ന ആര്.കെ നഗര് ഉപതെരഞ്ഞെടുപ്പ് ഫലം പുറത്തുവരാന് മണിക്കൂറുകള് ബാക്കി നില്ക്കെയാണ് ദിനകരന് ശുഭാബ്ധി വിശ്വാസം പ്രകടിപ്പിച്ചത്.
അര്ഹതയില്ലാത്തവരുടെ കയ്യിലകപ്പെട്ട പാര്ട്ടിയെയും ചിഹ്നത്തേയും മോചിപ്പിക്കുകയാണ് ലക്ഷ്യം. കനിമൊഴിക്കും രാജയ്ക്കും ഉണ്ടായ വിജയം ഒരിക്കലും ജയലളിതയുടെ മണ്ഡലത്തില് പ്രതിഫലിക്കില്ല. ഈ തെരഞ്ഞെടുപ്പ് ഫലം തമിഴ്രാഷ്ട്രീയത്തില് എന്ത് പ്രതിഫലനം സൃഷ്ടിക്കുമെന്ന് ഇപ്പോള് പറയാന് കഴിയില്ല. ജയലളിതയുടെ ആശുപത്രി ദൃശ്യങ്ങള് പുറത്തുവിട്ട വെട്രിവേലിനെതിരെ നടപടി എടുക്കില്ലെന്നും ടി.ടി.വി ദിനകരന് പറഞ്ഞു.
പാര്ട്ടിയുടെ താല്പര്യം സംരക്ഷിക്കാനാണ് ദൃശ്യങ്ങള് പുറത്തുവിട്ടതെന്നും ദിനകരന് കൂട്ടിച്ചേര്ത്തു. കുഴിത്തുറയിലെ ഒരു പരിപാടിക്ക് ശേഷം ചെന്നൈയിലേക്ക് പോകാന് തിരുവനന്തപുരത്ത് എത്തിയതായിരുന്നു ദിനകരന്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam