എകെജിയുടെ കൊച്ചുമകള്ക്ക് പ്രണയസാഫല്യം
Synopsis
കാസര്കോട്: ദീര്ഘനാളത്തെ പ്രണയത്തിനൊടുവില് എ.കെ.ജിയുടെ ചെറുമകള് വിവാഹിതയാകുന്നു. കാസര്കോട് എം.പി. പി.കരുണാകരന്റെയും ലൈലയുടെയും മകള് ദിയ കരുണാകരനാണ് (20) പ്രണയ വിവാഹത്തിനൊരുങ്ങുന്നത്. വയനാട് പനമരത്തെ തണ്ണിയത്ത് പറമ്പില് ടി.പി.ഉസ്മാന്റെ മകന് പി.മര്സാദ് ഹുസൈനാണ് വരന്. ഇരുപത്തിനാല് വയസ് പ്രായമുള്ള മര്സാദ് റെയിവെയില് ടിക്കറ്റ് പരിശോധകനാണ്.
തിരുവനന്തപുരത്ത് ഡിഗ്രി വിദ്യര്ത്ഥിനിയായ ദിയ ട്രൈന് യാത്രക്കിടെയാണ് മര്സാദുമായി പരിചയപ്പെടുന്നത്. ഇരുവരും തമ്മില് പ്രണയത്തിലെത്തിയ യാത്രകള് രണ്ട് വീട്ടുകാരും അംഗീകരിക്കുകയായിരുന്നു. സ്പെഷ്യല് മാരേജ് ആക്ട് പ്രകാരം രജിസ്റ്റര് ചെയ്തിട്ടുള്ള ഇരുവരുടെയും വിവാഹം മാര്ച്ച് പതിനൊന്നിന് കാഞ്ഞങ്ങാട് ആകാശ് ഓഡിറ്റോറിയത്തില് വച്ച് നടക്കും. ക്ഷണിക്കപ്പെട്ട അതിഥികള്ക്ക് വിരുന്നുമുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam