അല് അസ്ഹര് മെഡിക്കല് കോളേജിലെ എംബിബിഎസ് പ്രവേശനം സുപ്രിംകോടതി റദ്ദാക്കി
Synopsis
തൊടുപുഴ അല് അസ്ഹര് മെഡിക്കല് കോളേജിലെ ഈ വര്ഷത്തെ എംബിബിഎസ് പ്രവേശനം സുപ്രിംകോടതി റദ്ദാക്കി. കോളേജിനെതിരെ മെഡിക്കല് കൗണ്സില് ഓഫ് ഇന്ത്യ നല്കിയ ഹര്ജിയിലാണ് ഉത്തരവ്. ഇതോടെ ഈ കോളേജില് പ്രവേശനം നേടിയ 150 കുട്ടികളുടെ എംബിബിഎസ് പഠനം മുടങ്ങും. അടിസ്ഥാന സൗകര്യമില്ലെന്ന് ചൂണ്ടിക്കാട്ടി അല് അസ്ഹര് കോളജിന് എംസിഐയുടെ അംഗീകാരം കിട്ടിയിരുന്നില്ല. എന്നാല് അംഗീകാരം നല്കുന്നത് സംബന്ധിച്ച നടപടികള് എംസിഐയില് പുരോഗമിക്കുന്ന സാഹചര്യത്തില് വിദ്യാര്ത്ഥികളെ പ്രവേശിപ്പിക്കാന് കോളേജിന് കേരള ഹൈക്കോടതി തല്ക്കാലത്തേക്ക് അനുമതി. അതിനെതിരെയാണ് എംസിഐ സുപ്രീംകോടതിയെ സമീപിച്ചത്. ചീഫ് ജസ്റ്റിസ് ദീപക് മിശ്ര അദ്ധ്യക്ഷനായ ബെഞ്ചാണ് കേസ് പരിഗണിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam