അരക്കോടി മുടക്കി നവീകരിച്ച ക്യാന്‍റീന്‍ പൊളിച്ചുമാറ്റി ഒരു കോടി ചെലവില്‍ മന്ത്രിക്ക് ഓഫീസ്

ദില്ലി: ഒരു വര്‍ഷം മുമ്പ് 52 ല​ക്ഷം രൂ​പ മു​ട​ക്കി ന​വീ​ക​രി​ച്ച കാ​ന്‍റീ​ൻ പൊ​ളി​ച്ചു​മാ​റ്റി ഒ​രു കോ​ടി രൂ​പ ചെ​ല​വി​ട്ട് കേ​ന്ദ്ര​മ​ന്ത്രി​ക്കാ​യി ഓ​ഫീ​സ് നി​ർ​മി​ക്കു​ന്നു. ന്യൂ​ഡ​ൽ​ഹി​യി​ലെ സ​ർ​ദാ​ർ പ​ട്ടേ​ൽ ഭ​വ​നി​ലെ സ്റ്റാ​ഫ് കാ​ന്‍റീ​ൻ പൊ​ളി​ച്ചു​മാ​റ്റി​യാ​ണ് പാര്‍ലമെന്ററികാര്യ സഹമന്ത്രിയായ വി​ജ​യ് ഗോ​യ​ലി​നാ​യി ഓ​ഫീ​സ് നി​ർ​മി​ക്കു​ന്ന​ത്. ക​ഴി​ഞ്ഞ വ​ർ​ഷം 52 ല​ക്ഷം രൂ​പ മു​ട​ക്കി ന​വീ​ക​രി​ച്ച ഓ​ഫീ​സ് പൊ​ളി​ച്ചു​മാ​റ്റി​യാ​ണ് മ​ന്ത്രി​യു​ടെ ഓ​ഫീ​സ് ന​വീ​ക​ര​ണ​മെ​ന്ന് ഇ​ന്ത്യ​ൻ എ​ക്സ്പ്ര​സ് റി​പ്പോ​ർ​ട്ട് ചെ​യ്യു​ന്നു.

മ​ന്ത്രി​യു​ടെ അ​ഞ്ചു​നി​ല ചേം​ബ​റി​ലെ ഏ​ക കാ​ന്‍റീ​നാ​ണ് ഓ​ഫീ​സ് ന​വീ​ക​ര​ണ​ത്തി​നാ​യി പൊ​ളി​ച്ചു​മാ​റ്റി​യ​ത്. നി​ർ​മാ​ണ​ത്തി​ന് ഇ​തേ​വ​രെ 1.09 കോ​ടി രൂ​പ ചെ​ല​വാ​യി. നി​ർ​മാ​ണം പൂ​ർ​ത്തി​യാ​കു​ന്പോ​ൾ ചെ​ല​വ് ഇതിലൂം കൂടാനിടയുണ്ട്.  മ​ന്ത്രി നേ​രി​ട്ടാ​ണ് പു​തി​യ ഓ​ഫീ​സി​ന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ മേ​ൽ​നോ​ട്ട ചു​മ​ത​ല വ​ഹി​ക്കു​ന്ന​തെ​ന്ന് കേ​ന്ദ്ര പൊ​തു​മ​രാ​മ​ത്ത് വ​കു​പ്പി​ലെ മു​തി​ർ​ന്ന ഉ​ദ്യോ​ഗ​സ്ഥ​ൻ അ​റി​യി​ച്ചു. നി​ർ​മാ​ണ​ങ്ങ​ൾ ഏ​റെ​ക്കു​റെ പൂ​ർ​ത്തി​യാ​യെ​ന്നും മ​ന്ത്രി നി​ർ​ദേ​ശി​ച്ച, വാ​സ്തു പ്ര​കാ​ര​മു​ള്ള ചി​ല മാ​റ്റ​ങ്ങ​ൾ മാ​ത്ര​മാ​ണ് ഇ​നി അ​വ​ശേ​ഷി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.

എ​ന്നാ​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി കാ​ന്‍റീ​ൻ പൊ​ളി​ച്ചു​മാ​റ്റി​യ​തി​നെക്കുറിച്ചോ ഇതിനായി ഒരു കോടി രൂപ ചെലവഴിച്ചതിനെക്കുറിച്ചോ തനിക്ക് അറിവില്ലെന്നാണ് വി​ജ​യ് ഗോ​യ​ലി​ന്‍റെ പ്രതികരണം. പു​തി​യ ഓ​ഫീ​സ് നി​ർ​മി​ക്കാ​ൻ നി​ർ​ദേ​ശി​ക്കു​ക മാ​ത്ര​മാ​ണ് താ​ൻ ചെ​യ്ത​തെ​ന്നും മ​റ്റെ​ല്ലാം പൊ​തു​മ​രാ​മ​ത്ത് വ​കു​പ്പി​ന്‍റെ ഉ​ത്ത​ര​വാ​ദി​ത്ത​മാ​ണെ​ന്നും മ​ന്ത്രി പ​റ​ഞ്ഞു. മന്ത്രിയുടെ ഓഫീസിന് പുറമെ പേഴ്സണ്‍ ആന്‍ഡ് ട്രെയിനിംഗ് വകുപ്പിന്റെ ഓഫീസും പഞ്ചായത്തീരാജ്  ഓഫീസും ദേശീയ സുരക്ഷാ സെക്രട്ടറിയേറ്റ് കൗണ്‍സില്‍ ഓഫീസും ഈ കെട്ടിടത്തില്‍ പ്രവര്‍ത്തിക്കുന്നുണ്ട്. ഈ കെട്ടിടത്തിലുള്ള നൂറുകണക്കിന് ജീവനക്കാര്‍ക്ക് ഭക്ഷണം കഴിക്കാനുള്ള ഏകസ്ഥലമാണ് കെട്ടിടത്തിലെ ക്യാന്റീന്‍. ഇതാണിപ്പോള്‍ പൊളിച്ചുമാറ്റിയത്.