ഇനിയൊരു കെജരിവാള് ഉണ്ടാകരുതെന്ന് അണ്ണാ ഹസാരെ
Synopsis
ന്യൂഡൽഹി: തന്റെ പ്രക്ഷോഭങ്ങളിലൂടെ ഇനിയൊരു കെജരിവാള് ഉണ്ടാവില്ലെന്നു പ്രതീക്ഷിക്കുന്നതായി അണ്ണാ ഹസാരെ. ആഗ്രയിലെ ഷാഹിദ് സ്മാരകില് സംഘടിപ്പിച്ച പൊതു പരിപാടിയില് സംസാരിക്കുന്നതിനിടെയാണ് ഹസാരെ കെജരിവാളിനെ രൂക്ഷമായ ഭാഷയില് വിമര്ശിച്ചത്.
ഡല്ഹി മുഖ്യമന്ത്രിയായ അരവിന്ദ് കെജ് രിവാള് 2011ല് അണ്ണാ ഹസാരെ നയിച്ച അഴിമതി വിരുദ്ധ മുന്നേറ്റത്തിന്റെ മുന്നിര പ്രവര്ത്തകരില് ഒരാളായിരുന്നു. പിന്നീട് ഹസാരെയുമായുള്ള അഭിപ്രായവ്യത്യാസത്തെ തുടര്ന്ന് പ്രസ്ഥാനത്തില് നിന്ന് പുറത്തു പോവുകയായിരുന്നു.ഈ പശ്ചാത്തലത്തിലാണ് ഹസാരെയുടെ പരാമർശം.
യുപിഎ സര്ക്കാര് ജനലോക്പാല്ബില് നിയമമാക്കുന്നതില് പരാജയപ്പെട്ടെന്നും പിന്നീട് വന്ന മോദി സര്ക്കാര് ബില്ലില് വെള്ളം ചേര്ത്തെന്നും ഹസാരെ ആരോപിച്ചു. മാര്ച്ച് 23ന് രാജ്യതലസ്ഥാനത്ത് പടുകൂറ്റന് റാലി സംഘടിപ്പിക്കുമെന്നും അതില് കര്ഷകര് പങ്കാളികളാകണമെന്നും ഹസാരെ ആവശ്യപ്പെട്ടു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam