ഏപ്രില് രണ്ടിലെ പണിമുടക്ക്; സര്വകലാശാലകളിലെ പരീക്ഷ മാറ്റിവച്ചു
Synopsis
സര്വകലാശാലകളിലെ പരീക്ഷ മാറ്റിവച്ചു
കോഴിക്കോട്: ഏപ്രില് രണ്ടിന് സംസ്ഥാനത്ത് പൊതുപണിമുടക്ക് പ്രഖ്യാപിച്ചിട്ടുള്ളതിനാല് കേരള, കലിക്കറ്റ്, എംജി, കൊച്ചി സര്വകലാശാലകള് അന്നു നടത്താന് നിശ്ചയിച്ചിരുന്ന പരീക്ഷകള് മാറ്റിവച്ചു. കേരള സര്വകലാശാലയുടെ ഏപ്രില് രണ്ടിന് നടത്താനിരുന്ന ഇന്റഗ്രേറ്റഡ് പഞ്ചവത്സര ബി.എ എല്.എല്.ബി / ബി.കോം എല്.എല്.ബി /ബി.ബി.എ എല്.എല്.ബി ഡിഗ്രി പരീക്ഷ ഏപ്രില് നാലിലേക്കും, മറ്റെല്ലാ പരീക്ഷകളും ഏപ്രില് 18-ലേക്കും മാറ്റിവച്ചു.
വിശദവിവരങ്ങള് വെബ്സൈറ്റില് (www.keralauniversity.ac.in) ലഭിക്കും. പരീക്ഷാകേന്ദ്രത്തിനും സമയത്തിനും മാറ്റമില്ല. മഹാത്മാഗാന്ധി സര്വ്വകലാശാല ഏപ്രില് രണ്ടിന് നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീടറിയിക്കും. കാലിക്കറ്റ് സര്വകലാശാല ഏപ്രില് രണ്ടിന് നടത്താനിരുന്ന ചില പരീക്ഷകള് മാറ്റിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam