ആറന്മുള ഉത്രട്ടാതി ജലമേള: മത്സരങ്ങൾ ഒഴിവാക്കി നടത്താൻ തീരുമാനം

പ്രളയദുരന്തത്തെ തുടർന്ന് ആറന്മുള ഉത്രട്ടാതി ജലമേള മത്സരങ്ങൾ ഒഴിവാക്കി നടത്താൻ തീരുമാനം. ആചാരപരമായ ജലഘോഷയാത്ര മാത്രമായി ചടങ്ങുകൾ ചുരുക്കും. തിരുവോണത്തോണി യാത്രയും ആചാരമായി മാത്രം നടത്തും. അഷ്ടമിരോഹിണി വള്ളസദ്യയും അന്നദാനം മാത്രമാക്കി ചുരുക്കി

ആറന്മുള: പ്രളയദുരന്തത്തെ തുടർന്ന് ആറന്മുള ഉത്രട്ടാതി ജലമേള മത്സരങ്ങൾ ഒഴിവാക്കി നടത്താൻ തീരുമാനം. ആചാരപരമായ ജലഘോഷയാത്ര മാത്രമായി ചടങ്ങുകൾ ചുരുക്കും. തിരുവോണത്തോണി യാത്രയും ആചാരമായി മാത്രം നടത്തും. അഷ്ടമിരോഹിണി വള്ളസദ്യയും അന്നദാനം മാത്രമാക്കി ചുരുക്കി.

ഒക്ടോബർ രണ്ട് വരെ നടത്താനിരുന്ന ഈ വർഷത്തെ വഴിപാട് വള്ളസദ്യ പൂർണ്ണമായും റദ്ദാക്കി. പള്ളിയോടങ്ങൾക്കും കരക്കാർക്കുമുണ്ടായ കോടികളുടെ നഷ്ടം കണക്കിലെടുത്ത് 26 ലക്ഷം രൂപ, 52 പള്ളിയോട കരക്കാർക്കുമായി പള്ളിയോട സേവാസംഘം നൽകുമെന്ന് ഭാരവാഹികൾ വ്യക്തമാക്കി.