ഇൗ ആശുപത്രിയിൽ വനിതാ ജീവനക്കാർ കന്യാകത്വം വെളിപ്പെടുത്തണം; പുരുഷൻമാർ ബഹുഭാര്യത്വവും

വനിതാ ജീവനക്കാരോട്​ കന്യാകത്വം വെളിപ്പെടുത്താൻ നിർദേശിച്ച്​ പാറ്റ്​ന ​ഇന്ദിരാഗാന്ധി ഇൻസ്​റ്റിറ്റ്യൂട്ട്​ ഒാഫ്​ മെഡിക്കൽ സയൻസിലെ ചോദ്യവലി. ജീവനക്കാർക്കും പുതുതായി നിയമിക്കപ്പെട്ട ഡോക്​ടർമാരോടും നഴ്​സിങ്​ സ്​റ്റാഫിനും നൽകിയ വിവാഹ സംബന്ധമായ സത്യപ്രസ്താവനയിലാണ്​ കന്യാകാത്വം സംബന്ധിച്ച്​ ചോദ്യം വന്നത്​. പുരുഷ ജീവനക്കാർക്കുള്ള ചോദ്യാവലിയിൽ ഒന്നിൽ കൂടുതൽ ഭാര്യമാരുണ്ടെങ്കിൽ വിവരം നൽകാനും നിർദേശിച്ചിട്ടുണ്ട്

​.

കന്യാകത്വത്തിന്​ പുറമെ ഭർത്താക്കൻമാർക്ക്​ ഒന്നിൽ കൂടുതൽ ഭാര്യമാരുണ്ടോ എന്ന വിവരവും വനിതാ ജീവനക്കോരോട്​ ചോദിച്ചിട്ടുണ്ട്​. ചോദ്യാവലി സ്​ഥാപനം തുടങ്ങിയ 1984 മുതൽ നിലവിലുണ്ടെന്നും ഡൽഹി ആൾ ഇന്ത്യ ഇൻസ്​റ്റിറ്റ്യൂട്ട്​ ഒാഫ്​ മെഡിക്കൽ സയൻസിലും (എയിംസ്​) സമാനമായ ചോദ്യാവലിയോടെയുള്ള പ്രസ്​താവനയുണ്ടെന്നുമാണ്​ ഡെപ്യൂട്ടി മെഡിക്കൽ സൂപ്രണ്ട്​ ഡോ. മനീഷ്​ മണ്ഡൽ പറയുന്നത്​. കേന്ദ്രസർക്കാറോ എയിംസോ ചോദ്യാവലി മാറ്റാൻ തയാറായാൽ തങ്ങളും മാറ്റാൻ തയാറാണ്​. തെറ്റായ നടപടികളിൽ നിന്ന്​ പിന്തിരിപ്പിക്കാൻ വേണ്ടിയാണ്​ കന്യാകാത്വം സംബന്ധിച്ച ചോദ്യം എന്നും ഡോ. മനീഷ്​ പറയുന്നു. കേന്ദ്രസർവീസ്​ ചട്ടങ്ങൾ പ്രകാരം സർവീസിലിരിക്കെ ഒരാൾ മരണപ്പെട്ടാൽ അവരു​ടെ അവകാശിക്കോ അവരുടെ ബോയ്​ ഫ്രണ്ടിനോ ജോലിക്ക്​ അവകാശമുണ്ടെന്നും ഡോ. മനീഷ്​ പറയുന്നു. എന്നിരുന്നാലും കന്യാകാത്വം എന്ന വാക്ക്​ ഉപയോഗിച്ചത്​ തെറ്റാണെന്ന്​ മനീഷ്​ സമ്മതിച്ചു.

അടിസ്​ഥാനപരമായി വ്യക്​തി വിവാഹിതനാണോ അവിവാഹിതനാണോ എന്ന്​ മാത്രമാണ്​ ചോദ്യാവലയിലൂടെ ഉദ്ദേശിച്ച​ത്​. കന്യാകത്വം എന്നതിന്​ പകരം അവിവാഹിത എന്നായിരുന്നു ചോദിക്കേണ്ടത്​ എന്നാണ്​ ത​നിക്ക്​ വ്യക്​തിപരമായി തോന്നിയതെന്നുമാണ്​ ഡോ. മനീഷി​ൻ്റെ വിശദീകരണം.