കെജ്​രിവാളി​ന്‍റെ ഭാര്യാ സഹോദരനെതിരെ അഴിമതി ആരോപണം

ന്യൂഡൽഹി: ഡൽഹി മുഖ്യമന്ത്രി അരവിന്ദ്​ കെജ്​രിവാളി​ന്‍റെ ഭാര്യാ സഹോദരനെതിരെ അഴിമതി ആരോപണം.   ഒരു സന്നദ്ധ സംഘടന നൽകിയ പരാതിയിൽ കെജരിവാളിന്‍റെ ഭാര്യാ സഹോദരന്‍ സുരേന്ദർ കുമാർ ബൻസാലിനെതിരെയാണ് ഡൽഹി പൊലീസ്​ അന്വേഷണം തുടങ്ങിയത്.

കൂടുതൽ ലാഭം നേടാൻ പൊതുമരാമത്ത്​ വകുപ്പിന്​ വ്യാജബില്ലുകളും അനുബന്ധരേഖകളും ബൻസാൽ സമർപ്പിച്ചുവെന്നാണ്​ കുറ്റം. വ്യാജ കമ്പനികളെ ഉപയോഗിച്ച്​ ഓവുചാൽ നിർമാണത്തിന്​ കരാർ ഏറ്റെടുത്തുവെന്നും ആരോപണമുണ്ട്​. അരവിന്ദ്​ കെജ്​രിവാൾ ഇതിന്​ സഹായിച്ചുവെന്നും സന്നദ്ധ സംഘടന ആരോപിക്കുന്നു. പരാതിയുമായി കോടതിയെ സമീപിക്കുമെന്നും സംഘടന അറിയിച്ചു.

ഡൽഹി പൊലീസി​ന്‍റെ സാമ്പത്തിക കുറ്റകൃത്യ വിഭാഗമാണ്​ പ്രാഥമികാന്വേഷണത്തിന്​ ഉത്തരവിട്ടത്​.