സർക്കാരിനെതിരെ ഹാദിയയുടെ അച്ഛൻ

സർക്കാരിനും വനിത കമ്മീഷനും എതിരെ ഹാദിയയുടെ അച്ഛൻ അശോകൻ . എൻഐഎ അന്വേഷണത്തെ സർക്കാർ എതിർക്കുന്നതെന്തിനെന്ന് അശോകന്‍ ഏഷ്യാനെറ്റ് ന്യൂസിനോട് ചോദിച്ചു. നേതാക്കൾ തന്നെ വിമർശിക്കുന്നത് എന്തറിഞ്ഞിട്ടാണെന്നും സർക്കാരിൽ നിന്ന് തനിക്ക് നീതി കിട്ടിയിട്ടില്ലെന്നും അശോകന്‍ പറഞ്ഞു . '

മകളെ രക്ഷിക്കാൻ കോടതിയിൽ പോയതാണോ താൻ ചെയ്ത തെറ്റെന്നും 21 കുട്ടികൾ ഐഎസിലേക്ക് പോയത് ഇവിടെ നിന്നെന്ന് സർക്കാർ ഓർക്കണമെന്നും അശോകന്‍ വ്യക്തമാക്കി. സർക്കാർ കണ്ണടച്ചിരിക്കരുതെന്നും എല്ലാ പൗരന്മാരുടെയും സർക്കാരാണെന്ന് ഓർക്കണമെന്നും അശോകന്‍ പറഞ്ഞു.