മലപ്പുറത്ത് എടിഎം തകർത്ത് മോഷണ ശ്രമം

മലപ്പുറം: കോഹിനൂരിൽ എടിഎം തകർത്ത് മോഷണ ശ്രമം. എസ്.ബി.ഐയുടെ എടിഎമ്മിലാണ് മോഷണ ശ്രമം നടന്നത്. ഇന്ന് പുലർച്ചെയാണ് സംഭവം എന്ന് കരുതുന്നു. രാവിലെ പണം എടുക്കാൻ വന്നയാൾ മോഷണ ശ്രമം നടന്നത് ശ്രദ്ധയിൽ പെട്ട് പൊലീസിൽ അറിയിക്കുകയായിരുന്നു. എ ടി എമ്മിന് സമീപത്തെ പത്ര ഓഫീസിലെ ഷട്ടറിന്റെ പൂട്ടും തകർത്തിട്ടുണ്ട്. പൊലീസ് സ്ഥലത്ത് എത്തി പരിശോധന നടത്തി. ബാങ്ക് അധികൃതർ എത്തിയാലേ പണം നഷ്ടപ്പെട്ടിട്ടുണ്ടോ എന്ന് വ്യക്തമാകൂവെന്നാണ് സൂചന.