മകന് ബെനിറ്റോ മുസോളിനി എന്ന് പേരിട്ടു; കോടതി കയറി മാതാപിതാക്കള്‍

മകനിട്ട പേര് ബെനിറ്റോ മുസോളിനി മാതാപിതാക്കളോട് കോടതിയില്‍ ഹാജരാകാന്‍ ആവശ്യപ്പെട്ടു

റോം:മകന് ബെനിറ്റോ മുസോളിനി എന്ന് പേരിട്ടതിന്  മാതാപിതാക്കള്‍ കോടതി കയറാനൊരുങ്ങുന്നു‍. പതിനാല് മാസം പ്രായമുള്ള മകന് ബെനിറ്റോ മുസോളിനി എന്ന് പേരിട്ടതിന് ഇറ്റലിയിലെ ഒരു കോടതിയാണ് മാതാപിതാക്കളോട് ഹാജരാകാന്‍ ആവശ്യപ്പെട്ടത്. പൂര്‍വ്വികരിലൊരാളുടെ പേരാണ് മാതാപിതാക്കള്‍ കുട്ടിക്ക് നല്‍കിയത്. അതുകൊണ്ട് തന്നെ ഇറ്റലിയിലെ ഫാസിസ്റ്റ് ഭരണാധികാരിയുടെ പേര് കുട്ടിക്ക് നല്‍കിയെന്ന വാദം ശരിയല്ലെന്നാണ് ബന്ധപ്പെട്ടവര്‍ പറയുന്നത്.

പതിനെട്ട് മാസം പ്രായമുള്ള പെണ്‍കുഞ്ഞിന് ബ്ലൂ എന്ന് പേരിട്ടതിനെതിരെയും ഇറ്റലിയിലെ ഒരു കോടതി രംഗത്തെത്തിയിരുന്നു.കുഞ്ഞിന്‍റെ പേര് മാറ്റി പുതിയ സര്‍ട്ടിഫിക്കറ്റ് വാങ്ങണമെന്നും അല്ലാത്ത പക്ഷം കോടതി കുട്ടിയ്ക്ക് പേര് ഇടുമെന്നായിരുന്നു മാതാപിതാക്കള്‍ക്ക് കോടതി നല്‍കിയ മുന്നറിയിപ്പ്. 2000ല്‍ പ്രസിഡന്റ് പുറത്തിറക്കിയ ഡിക്രി അനുസരിച്ച് കുട്ടികളുടെ ലിംഗം മനസിലാക്കുന്ന രീതിയിലുള്ള പേര് തന്നെ നല്‍കണമെന്നാണ് ഇറ്റലിയിലെ നിയമം. എന്നാല്‍ ബ്ലൂ എന്ന പേര് കുട്ടിയുടെ ലിംഗം മനസിലാകുന്നതില്‍ സഹായകമല്ലെന്ന് ചൂണ്ടിക്കാണിച്ചാണ് കോടതി നോട്ടീസ്.