ഇവിടെ ഒരു രൂപ നാണയത്തിന് വിലക്ക്

റാംപൂര്‍: പ്രധാനമന്ത്രി നരേന്ദ്ര മോദി നോട്ടുകള്‍ നിരോധിച്ചത് ജനങ്ങളെ ഏറെ വലച്ചിരുന്നുവെങ്കില്‍ പുതിയ നാണയങ്ങളാണ് ഉത്തര്‍പ്രദേശിലെ ഭിക്ഷാടകരെ വലയ്ക്കുന്നത്. പുതുതായി പുറത്തിറക്കിയ ഒരു രൂപ നാണയം ഇനി ഭിക്ഷയായി സ്വീകരിക്കേണ്ടെന്നാണ് ഉത്തര്‍പ്രദേശിലെ റാംപൂരിലെ ഒരു സംഘം ഭിക്ഷാടകരുടെ തീരുമാനം. 

പ്രധാനമന്ത്രി നരേന്ദ്ര മോദി 500, 1000 രൂപ നോട്ടുകള്‍ നിരോധിച്ചു, തങ്ങള്‍ ഒരു രൂപ നാണയം നിരോധിക്കുന്നുവെന്ന് ഉത്തര്‍പ്രദേശിലെ റാംപൂരിലെ ഒരു സംഘം ഭിക്ഷാടകര്‍ പറഞ്ഞു. ഒരു രൂപ നാണയത്തിന്റെ വലിപ്പം കുറച്ചതാണ് ഇനി നാണയം സ്വീകരിക്കേണ്ടെന്ന തീരുമാനത്തിലെത്താന്‍ ഇവരെ പ്രേരിപ്പിച്ചത്.

ഒരു രൂപ നാണയം 50 പൈസ നാണയത്തിന്റെ അതേ വലിപ്പത്തിലാണുള്‌ളത്. ഓട്ടോറിക്ഷാ ഡ്രൈവര്‍മാര്‍, കച്ചവടക്കാര്‍, എന്നിവരൊന്നും നാണയം എടുക്കുന്നില്ലെന്നും ഭിക്ഷാടകനായ ശുക്ര മണി വ്യക്തമാക്കുന്നു.