വെങ്കയ്യയുടെ ഒഴിവില് കണ്ണന്താനം രാജ്യസഭയിലേക്ക്
Synopsis
ദില്ലി: ഉപരാഷ്ട്രപതിയായി തിരഞ്ഞെടുക്കപ്പെട്ട വെങ്കയ്യ നായിഡുവിന്റെ രാജ്യസഭ സീറ്റില് കേന്ദ്ര ടൂറിസം മന്ത്രി അല്ഫോന്സ് കണ്ണന്താനം മത്സരിക്കും. ബി.ജെ.പി ഭരിക്കുന്ന സംസ്ഥാനമായ രാജസ്ഥാനില് നിന്നാണ് കണ്ണന്താനം മത്സരിക്കുക. ബിജെപി ദേശീയ അധ്യക്ഷന് അമിത് ഷായാണ് ഇക്കാര്യം പ്രസ്താവനയില് അറിയിച്ചത്.
ഉപതെരഞ്ഞെടുപ്പ് തിങ്കളാഴ്ച പ്രഖ്യാപിച്ചേക്കും. നവംബര് 16നു നടക്കുന്ന തെരഞ്ഞെടുപ്പിലേക്കു ആറ് വരെ നാമനിര്ദേശ പത്രിക സമര്പ്പിക്കാം. നിയമസഭയില് ബിജെപിക്ക് വന് ഭൂരിപക്ഷമുള്ള രാജസ്ഥാനില് നിന്ന് കണ്ണന്താനത്തിന്റെ വിജയം അനായാസമാകും. വെങ്കയ്യ നായിഡു ഒരുവര്ഷം തികയുന്നതിന് മുമ്പ് രാജിവച്ചതിനാല് കണ്ണന്താനം ജയിച്ചാല് അഞ്ച് വര്ഷത്തെ കാലാവധി ലഭിക്കും.
കഴിഞ്ഞ സംപ്തംബറിലാണ് കണ്ണന്താനം കേന്ദ്ര ടൂറിസം മന്ത്രിയായി ചുമതലയേറ്റത്. 2011ലാണ് കണ്ണന്താനം ബി.ജെ.പിയില് ചേര്ന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam