മകന്റെ സാമ്പത്തിക തട്ടിപ്പ്; കോടിയേരി ബാലകൃഷ്ണന് രാജി വയ്ക്കണമെന്ന് ബിജെപി ദേശീയനേതൃത്വം
Synopsis
ദില്ലി: മകനെതിരെ സാമ്പത്തിക തട്ടിപ്പ് ആരോപണം ഉയര്ന്ന പശ്ചാത്തലത്തില് കോടിയേരി ബാലകൃഷ്ണൻ സിപിഎം സംസ്ഥാന സെക്രട്ടറി സ്ഥാനം രാജിവെക്കണമെന്ന് ബിജെപി ദേശീയ നേതൃത്വം. സാമ്പത്തിക തട്ടിപ്പിനെതിരെ ബിജെപി ആവശ്യമായ നടപടികളുമായി മുന്നോട്ട് പോകുമെന്ന് ദേശീയ വക്താവ് ജി.വി.എൽ നരസിംഹറാവു പറഞ്ഞു.
അതേസമയം തന്റെ മകന്റെ മേല് കേസില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് പ്രതികരിച്ചു. മകന്റെ കേസ് മകന് തന്നെ വ്യകതമാക്കുമെന്നും കോടിയേരി പറഞ്ഞു. ഇത് പാര്ട്ടി പ്രശ്നമല്ലെന്നും അങ്ങനെ ആണെങ്കില് മാത്രം പാര്ട്ടി ഇടപെട്ടാല് മതിയെന്നും കോടിയേരി പറഞ്ഞു.
ബിനോയ് കോടിയേരി 13 കോടി രൂപയുടെ സാമ്പത്തിക തട്ടിപ്പ് നടത്തിയെന്ന് കാണിച്ച് ദുബായ് ആസ്ഥാനമായുള്ള കമ്പനി സി.പി.എം പോളിറ്റ് ബ്യൂറോയ്ക്ക് പരാതി നല്കിയ വാര്ത്തകള് പുറത്തുവന്നതിന് പിന്നാലെ കോടിയേരി ബാലകൃഷ്ണനും മുഖ്യമന്ത്രി പിണറായി വിജയനും എ.കെ.ജി സെന്ററില് വെച്ച് കൂടിക്കാഴ്ച നടത്തിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam