ബിജെപി സംസ്ഥാന അധ്യക്ഷനാകാന്‍ സമ്മതമെന്ന് പിഎസ് ശ്രീധരന്‍ പിള്ള

ബി ജെ പി സംസ്ഥാന അധ്യക്ഷനാകാൻ കേന്ദ്ര നേതൃത്വത്തെ സമ്മതം അറിയിച്ചിട്ടുണ്ടെന്ന് പി.എസ് ശ്രീധരൻപിള്ള വ്യക്തമാക്കി

ബിജെപി സംസ്ഥാന അധ്യക്ഷനായിരുന്ന കുമ്മനം രാജശേഖരന്‍ മിസോറാം ഗവര്‍ണറായി ചുമതലയേറ്റതോടെ ഒഴിഞ്ഞ ബിജെപി സംസ്ഥാന അധ്യക്ഷ പദവിയില്‍ ഉടന്‍ തീരുമാനമായേക്കും. ബി ജെ പി സംസ്ഥാന അധ്യക്ഷനാകാൻ കേന്ദ്ര നേതൃത്വത്തെ സമ്മതം അറിയിച്ചിട്ടുണ്ടെന്ന് പി.എസ് ശ്രീധരൻപിള്ള വ്യക്തമാക്കി. കേന്ദ്ര നേതാക്കൾ രണ്ടു ദിവസം മുമ്പ് തന്നോട് സംസാരിച്ചിരുന്നു. ഇക്കാര്യത്തിൽ ഔദ്യോഗിക തീരുമാനം രണ്ടു ദിവസത്തിനകം ഉണ്ടാകുമെന്നാണ് പ്രതീക്ഷയെന്നും ശ്രീധരൻപിള്ള പറഞ്ഞു.