കോടതി മുറിയില് വിഷം കഴിച്ച് ജീവനൊടുക്കി
Synopsis
ഹേഗ്: ഹേഗിലെ അന്താരാഷ്ട്ര ക്രിമിനല് ട്രിബ്യൂണലില് വിചാരണ നടക്കുന്നതിനിടെ മുന് ബോസ്നിയന് കമാന്ഡര് വിഷം കഴിച്ചു മരിച്ചു. 1992-95 കാലത്തെ ബോസ്നിയന് യുദ്ധത്തില് മുസ്ലിങ്ങളെ കൂട്ടക്കൊല ചെയ്ത കേസില് കുറ്റാരോപിതനായ സ്ലൊബൊഡാന് പ്രല്ജാക്കാ(72)ണ് കോടതിമുറിയില് ആത്മഹത്യ ചെയ്തത്.
2013ല് പ്രല്ജാക്കിന് 20 വര്ഷം തടവ് ശിക്ഷ വിധിച്ചിരുന്നു. അതിനെതിരേ അന്താരാഷ്ര്ടകോടതിയില് നല്കിയ അപ്പീല്ഹര്ജിയില് വിധി പറയുന്നതിനിടെയാണ് സംഭവം. ശിക്ഷകേള്ക്കുന്നതിനിടെ എഴുന്നേറ്റ് കൈയില് കരുതിയിരുന്ന വിഷദ്രാവകം കഴിക്കുകയായിരുന്നു.
കോടതിനടപടികള് നിര്ത്തിവെച്ച് പ്രല്ജാക്കിനെ ഉടന് ആസ്പത്രിയിലെത്തിച്ചെങ്കിലും രക്ഷിക്കാനായില്ല. ബോസ്നിയന് യുദ്ധത്തില് പ്രതികളായ ആറു സൈനികരാഷ്ര്ടീയ നേതാക്കളില് ഒരാളാണ് പ്രല്ജാക്ക്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam