ബസ് കൊക്കയിലേക്ക് മറിഞ്ഞ് 40 പേര് മരിച്ചു
Synopsis
12 പേര് ഗുരുതരാവസ്ഥയിലാണ്. ഉത്തരാഖണ്ഡിലെ പാഹാഡി ഘഡ്വാളിലാണ് അപകടമുണ്ടായത്.
ഡെറാഡൂണ്: ഉത്തരാഖണ്ഡിലെ പാഹാഡി ഘഡ്വാള് ജില്ലയില് ബസ് കൊക്കയിലേക്ക് മറിഞ്ഞ് 40 പേര് മരിച്ചതായി റിപ്പോര്ട്ട്.
ഭോണില് നിന്നും രാംനഗറിലേക്ക് പോകുകയായിരുന്ന ബസാണ് മലമുകളിലെ റോഡില് നിന്നും താഴ്വാരത്തിലേക്ക് വീണത്. അറുപത് അടിയോളം താഴ്ച്ചയിലേക്കാണ് നിയന്ത്രണം തെറ്റിയ ബസ് മറിഞ്ഞുവീണത്.
സംഭവസ്ഥലത്ത് നിന്നും ഇതുവരെ 20 മൃതദേഹങ്ങള് കണ്ടെടുത്തിട്ടുണ്ട്. 12 പേരെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. മരണസംഖ്യ ഇനിയും ഉയരാനാണ് സാധ്യതയെന്ന് ഗര്വാള് കമ്മീഷണര് ദിലീപ് ജവാല്ക്കര് അറിയിച്ചു.
ദേശീയദുരന്തനിവാരണസേനയും പോലീസും ചേര്ന്ന് സംയുക്തമായാണ് രക്ഷാപ്രവര്ത്തനം നയിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam