എറണാകുളത്ത് മുത്തശ്ശനെ മര്‍ദ്ദിച്ച് കുട്ടിയെ തട്ടിക്കൊണ്ടുപോകാന്‍ ശ്രമം

എറണാകുളം: സംസ്കാര ജംഗ്ഷനിൽ നാലു വയസുകാരനെ തട്ടിക്കൊണ്ടു പോകാനുള്ള ശ്രമം നാട്ടുകാർ തടഞ്ഞു. സംഭവത്തിൽ ആസാം സ്വദേശി എന്ന് സംശയിക്കുന്ന ആളെ പോലീസ് കസ്റ്റഡിയിലെടുത്തു.

വീടിനു സമീപത്തെ കടയിൽ നിന്ന് മുത്തച്ഛനൊപ്പം വരികയായിരുന്ന കുട്ടിയെ എടുത്തു ഓടാൻ ശ്രമിക്കുകയായിരുന്നു ഇയാള്‍. തടയാൻ ശ്രമിച്ച മുത്തച്ഛനെ മുഖത്തടിച്ചു
താഴെയിട്ടു. തുടർന്ന് നാട്ടുകാർ ഓടി കൂടി  ഇയാളെ പോലീസിൽ ഏല്പിക്കുകയായിരുന്നു

ഇലവുങ്കൽ ഹണി ഹോമിലെ ഇഷാറിന്റെ മകൻ ആറൂണിനെ തട്ടി കൊണ്ട് പോകാൻ ആണ് ശ്രമം നടന്നത്. അതേസമയം കുട്ടിയെ തട്ടിക്കൊണ്ടുപോകാന്‍ ശ്രമിച്ചയാള്‍ മാനസിക രോഗി ആണെന്ന് സംശയമുണ്ട്.