പൊലീസ് , പൊലീസായി തന്നെ പ്രവർത്തിക്കണമെന്ന്  മുഖ്യമന്ത്രി

കണ്ണൂര്‍: രാഷ്ട്രീയ സംഘർഷങ്ങൾ അവസാനിപ്പിക്കാൻ ലക്ഷ്യമിട്ട്  മുഖ്യമന്ത്രി കണ്ണൂരിൽ സർവകക്ഷി സമാധാന യോഗം വിളിച്ചുചേർത്തു. സംഘർഷങ്ങൾ സൃഷ്ടിക്കുന്നതിൽ പാർട്ടികളുടെ നിയന്ത്രണത്തിലല്ലാത്ത ചിലരുണ്ടെന്നും , ആയുധ നിർമ്മാണമടക്കമുള്ള സംഭവങ്ങൾ പാർട്ടികൾ ഇടപെട്ട് നിയന്ത്രിക്കണമെന്നും മുഖ്യമന്ത്രി പറഞ്ഞു.അക്രമസംഭവങ്ങളുടെ ഉത്തരവാദിത്തത്തിൽ നിന്ന് പാർട്ടികൾക്ക് ഒഴിഞ്ഞുനിൽക്കാനാകില്ല. 

പ്രതികളെ സ്റ്റേഷനിലെത്തി മോചിപ്പിക്കുന്നതടക്കം പൊലീസിനെതിരെ ബലപ്രയോഗം നടത്തിയാൽ കർശന നടപടിയെടുക്കാനാണ് യോഗതീരുമാനം. ഇത്തരം ഘട്ടങ്ങളിൽ പൊലീസ് , പൊലീസായി തന്നെ പ്രവർത്തിക്കണമെന്നാണ്  മുഖ്യമന്ത്രിയുടെ നിർദ്ദേശം.സിപിഎം സംസ്ഥാന സെക്രട്ടറി  കോടിയേരി ബാലകൃഷ്ൻ , കോൺഗ്രസ് നേതാവ് കെസി ജോസഫ് , ബിജെപി നേതാവ് പികെ കൃഷ്ണദാസ് തുടങ്ങിയവർ യോഗത്തിൽ പങ്കെടുത്തു.