കശുവണ്ടി കോപ്പറേഷന് അഴിമതി: പ്രതിക്ക് വേണ്ടി ഹാജറാകുന്നത് എം.കെ. ദാമോദരന്
Synopsis
കൊച്ചി: കശുവണ്ടി വികസന കോര്പറേഷന് അഴിമതിയാരോപണത്തില് പ്രതിക്കുവേണ്ടിയും മുഖ്യമന്ത്രി നിയമോപദേഷ്ടാവ് എം.കെ. ദാമോദരന്റെ ഓഫീസ് ഹാജരാകും. സര്ക്കാര് കക്ഷിയായ കേസിലാണ് പ്രതിക്കുവേണ്ടി മുഖ്യമന്ത്രി നിയമോപദേഷ്ടാവ് ഹാജരാകുന്നത്.
കശുവണ്ടി വികസന കോര്പറേഷന് മുന് ചെയര്മാനും ഐഎന്ടിയുസി സംസ്ഥാന പ്രസിഡന്റുമായ ആര്. ചന്ദ്രശേഖനാണ് കേസിലെ മുഖ്യമന്ത്രി പ്രതി. നേരത്തെ ലോട്ടറി രാജാവ് സാന്റിയാഗോ മാര്ട്ടിന്റെ കേസില് എം.കെ. ദാമോദരന് ഹാജരായത് വിവാദങ്ങള് സൃഷ്ടിച്ചിരുന്നു.
എംകെ ദാമോദരനെ ന്യായീകരിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. സാന്റിയാഗോ മാര്ട്ടിന്റെ കേസിൽ ദാമോദരന് ഹാജരായതിൽ തെറ്റില്ല. സ്വന്തം നിലയ്ക്ക് കേസിൽ ഹാജരാകാൻ എം കെ ദാമോദരന് അവകാശമുണ്ട്. സർക്കാർ കക്ഷിയായ കേസുകളിൽ ഹാജരായിട്ടുണ്ടോയെന്ന് പ്രത്യേകം പരിശോധിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam