സൗദിയില് നാളെമുതല് അതിശൈത്യമെന്ന് കാലാവസ്ഥ നിരീക്ഷണ വിഭാഗം
Synopsis
സൗദിയുടെ പല മേഖലകളിലും നാളെ മുതൽ അതിശൈത്യം അനുഭവപ്പെടുമെന്ന് കാലാവസ്ഥാ നിരീക്ഷണ വിഭാഗം അറിയിച്ചു. ഞായറാഴ്ച രാവിലെ റിയാദിൽ കുറഞ്ഞ താപനില അഞ്ചു ഡിഗ്രി സെൽഷ്യസ് വരെയാകുമെന്നും മുന്നറിയിപ്പുണ്ട്.
നാളെ മുതല് സൗദിയുടെ ഉത്തര മധ്യ മേഖലകളിൽ അതിശൈത്യം അനുഭവപ്പെടുമെന്നാണ് കാലാവസ്ഥ നിരീക്ഷണ വിഭാഗം അറിയിച്ചത്. വടക്കൻ അതിർത്തി പ്രവിശ്യ, തബൂക്ക്, അൽ ഖസീം, ഹായിൽ തുടങ്ങിയ സ്ഥലങ്ങളിൽ നാളെമുതൽ തിങ്കളാഴ്ച വരെ കൊടും തണുപ്പ് അനുഭവപ്പെടും.
അതിശൈത്യത്തിന്റെ സ്വാധീനം കിഴക്കൻ പ്രവിശ്യയിലേക്കും റിയാദിലേക്കും മദീനയിലേക്കും വ്യാപിക്കും. റിയാദിൽ ഏറ്റവും കൂടിയ തണുപ്പ് അനുഭവപ്പെടുക ഞായറാഴ്ച ആയിരിക്കും.
ഞായറാഴ്ച രാവിലെ റിയാദിൽ കുറഞ്ഞ താപനില അഞ്ചു ഡിഗ്രി സെൽഷ്യസ് വരെയാകുമെന്നും കാലാവസ്ഥാ വിഭാഗം അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam