ഫോണ് സംഭാഷണം പ്രചരിപ്പിച്ചു; വനിത കൗണ്സലറിന്റെ പരാതിയില് കോണ്ഗ്രസ് നേതാവ് പിടിയില്
Synopsis
ആള്മാറാട്ടം നടത്തി റെക്കോര്ഡ് ചെയ്ത ഫോണ് സംഭാഷണം പ്രചരിപ്പിച്ചു കോണ്ഗ്രസ് നേതാവിനെ അറസ്റ്റു ചെയ്തു
ചെങ്ങന്നൂര്: ആള്മാറാട്ടം നടത്തി റെക്കോര്ഡ് ചെയ്ത ഫോണ് സംഭാഷണം നവ മാധ്യമങ്ങളിലൂടെ പ്രചരിപ്പിച്ച കോണ്ഗ്രസ് നേതാവിനെ അറസ്റ്റു ചെയ്തു. കേരള കോണ്ഗ്രസ് മാണി വിഭാഗം കൗണ്സിലറും മുന് നഗരസഭ ചെയര്പേഴ്സണുമായ വത്സമ്മ എബ്രഹാമിന്റെ പരാതിയെ തുടര്ന്നാണ് കോണ്ഗ്രസ് നേതാവ് ചെങ്ങന്നൂര് പുത്തന്കാവ് കാര്ത്തികപ്പള്ളി പീടികയില് ജോസ് കെ ജോര്ജിനെ ചെങ്ങന്നൂര് പൊലീസ് അറസ്റ്റു ചെയ്തത്. കഴിഞ്ഞ മാസം 27 ന് ആയിരുന്നു സംഭവം.
ഉപതെരെഞ്ഞെടുപ്പിന്റെ പ്രവര്ത്തനങ്ങളെ സംബന്ധിച്ച് മറ്റൊരാളിന്റെ ഫോണില് നിന്നും സ്വരം മാറ്റി വത്സമ്മയോടു സംഭാഷണം നടത്തിയ ജോസ് പിന്നീട് ഈ സംഭാഷണ ഭാഗം എഡിറ്റ് ചെയ്ത് ഫേസ് ബുക്ക്, വാട്ട്സ് ആപ്പ് തുടങ്ങിയ നവ മാധ്യമങ്ങളില് പ്രചരിപ്പിച്ച് തന്നെ വ്യക്തിഹത്യ ചെയ്യുന്നതിനും സമൂഹത്തില് ജാതിസ്പര്ദ്ധ ഉണ്ടാക്കാന് ശ്രമിച്ചതായും വത്സമ്മ നല്കിയ പരാതിയില് പറയന്നു. ഇതിനെ തുടര്ന്ന് പൊലീസ് ജോസ് കെ ജോര്ജിനെ അറസ്റ്റു ചെയ്യുകയായിരുന്നു.മുഖ്യമന്ത്രിക്കും ഡിജിപിക്കും, വനിത കമ്മിഷനും വത്സമ്മ എബ്രഹാം പരാതി നല്കിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam