ദേവികുളം സബ് കളക്ടറെ മാറ്റില്ല; റവന്യു മന്ത്രി

തിരുവനന്തപുരം: ദേവികുളം സബ് കളക്ടറെ മാറ്റുന്ന കാര്യം ആലോച്ചിട്ടില്ലെന്നു റവന്യു മന്ത്രി ഇ. ചന്ദ്രശേഖരന്‍. മൂന്നാര്‍ പ്രശ്‌നത്തില്‍ നീതിപൂര്‍വമായ മാത്രമേ വകുപ്പ് പ്രവര്‍ത്തിച്ചിട്ടുള്ളൂ. മൂന്നാറില്‍ നിയമപരമായാണ് ഉദ്യോഗസ്ഥര്‍ പ്രവര്‍ത്തിക്കുന്നത്. ബുദ്ധിമോശം സംഭവിച്ചതു ആര്‍ക്കാണെന്ന് വിവേകമുള്ള കേരളീയ സമൂഹം തീരുമാനിക്കട്ടെയെന്നും ഇ. ചന്ദ്രശേഖരന്‍ പ്രതികരിച്ചു.

ദേവികുളം സബ്കളക്ടര്‍ക്ക് എതിരെ  സിപിഎം രംഗത്തു വന്നിരുന്നു. സബ്കളക്ടര്‍ നിയമവിരുദ്ധമായി പ്രവര്‍ത്തിക്കുന്നുവെന്ന് ഇടുക്കി ജില്ലാ സെക്രട്ടറി കെ.കെ.ജയചന്ദ്രന്‍ ആവശ്യപ്പെട്ടു. അനാവശ്യ നടപടികള്‍ ഒഴിവാക്കണം എന്നാണ് ആവശ്യപ്പെട്ടത്. സബ്കളക്ടറെ മാറ്റണമെന്ന് ആവശ്യപ്പെട്ടിട്ടില്ലെന്നും കെ.കെ.ജയചന്ദ്രന്‍ തിരുവനന്തപുരത്ത് പറഞ്ഞു