വി.എസ്.അച്യുതാനന്ദന് 10 മാസമായി ശമ്പളമില്ല

തിരുവനന്തപുരം: ഭരണപരിഷ്കാര കമ്മീഷൻ ചെയർമാൻ സ്ഥാനം ഏറ്റെടുത്ത് 10 മാസം കഴിഞ്ഞിട്ടും വി.എസ്.അച്യുതാനന്ദനും അംഗങ്ങൾക്കും ശമ്പളം നൽകി തുടങ്ങിയിട്ടില്ല. പ്രതിപക്ഷ അംഗം റോജി എം. ജോണ്‍ ഉന്നയിച്ച ചോദ്യത്തിന് മറുപടിയായി മുഖ്യമന്ത്രി പിണറായി വിജയൻ തന്നെയാണ് ഇക്കാര്യം നിയമസഭയെ അറിയിച്ചത്. ആനുകൂല്യങ്ങൾ എത്രയെന്ന സർക്കാർ പരിശോധിച്ചു വരികയാണെന്നും മുഖ്യമന്ത്രി പറഞ്ഞു. 2016 ഓഗസ്റ്റ് 18-നാണ് വി.എസ് ഭരണപരിഷ്കാര കമ്മീഷൻ അധ്യക്ഷ സ്ഥാനം ഏറ്റെടുത്തത്.