അനുയായിയെ ബലാത്സംഗം ചെയ്തു; ആള്‍ദൈവം ദാത്തി മഹാരാജിനെ ചോദ്യം ചെയ്തു

ദില്ലിയിലെയും രാജസ്ഥാനിലെയും ആശ്രമങ്ങളില്‍ വെച്ച് ബലാത്സംഗം ചെയ്യപ്പെട്ടന്നാണ്  യുവതിയുടെ പരാതി. ദാത്തി മഹാരാജിനെതിരെയും ഇയാളുടെ മൂന്ന് സഹോദരന്മാര്‍ക്കെതിരെയുമാണ് പരാതി. താന്‍ ഇയാളുടെ അനുയായിയായിരുന്നെന്നും എന്നാല്‍ പീഡനത്തിനിരയായതോടെ രാജസ്ഥാനിലെ സ്വന്തം വീട്ടിലേക്ക് മടങ്ങുകയായിരുന്നെന്നുമാണ് യുവതിയുടെ വെളിപ്പെടുത്തല്‍.

ദില്ലി: അനുയായിയായ യുവതിയെ ബലാത്സംഗം ചെയ്തെന്ന കേസില്‍ ആള്‍ദൈവം ദാത്തി മഹാരാജിനെ ക്രൈംബ്രാഞ്ച് ചോദ്യംചെയ്തു. ദില്ലിയിലെ ചാണക്യപുരിയില്‍ വെച്ച് രണ്ടുമണിക്കൂറോളം നീണ്ട ചോദ്യംചെയ്യലിന് ശേഷമാണ് ആള്‍ദൈവത്തെ വിട്ടയച്ചത്. ദാത്തി മഹാരാജിന്‍റെ അനുയായിയായിരുന്ന രാജസ്ഥാന്‍ സ്വദേശിയായ സ്ത്രീയാണ് ഇയാള്‍ക്കെതിരെ ബലാത്സംഗ പരാതി നല്‍കിയത്. 

ദില്ലിയിലെയും രാജസ്ഥാനിലെയും ആശ്രമങ്ങളില്‍ വെച്ച് ബലാത്സംഗം ചെയ്യപ്പെട്ടന്നാണ്  യുവതിയുടെ പരാതി. ദാത്തി മഹാരാജിനെതിരെയും ഇയാളുടെ മൂന്ന് സഹോദരന്മാര്‍ക്കെതിരെയുമാണ് പരാതി. താന്‍ ഇയാളുടെ അനുയായിയായിരുന്നെന്നും എന്നാല്‍ പീഡനത്തിനിരയായതോടെ രാജസ്ഥാനിലെ സ്വന്തം വീട്ടിലേക്ക് മടങ്ങുകയായിരുന്നെന്നുമാണ് യുവതിയുടെ വെളിപ്പെടുത്തല്‍.