
ആലപ്പുഴ: ദളിത് സംഘടനകള് പ്രഖ്യാപിച്ച ഹര്ത്താലിന് ഐക്യദാര്ഡ്യം പ്രഖ്യാപിച്ച് ആലപ്പുഴയിൽ ബസ്സ് തടഞ്ഞ സമരാനുകൂലികളെ പോലീസ് കസ്റ്റഡിയിലെടുത്തു. പാതിപ്പള്ളി ദേശീയപാതയിൽ ബസ്സ് തടഞ്ഞവരെയാണ് കസ്റ്റഡിയിലെടുത്തത്. ഹർത്താലനുകൂലികൾ കടകൾ അടപ്പിക്കാനും ശ്രമിച്ചിരുന്നു. ആലപ്പുഴ നോർത്ത് പോലീസാണ് ഏഴുപേരെ കസ്റ്റഡിയിലെടുത്തത്.
എസ്സി, എസ്ടി പീഡനനിരോധന നിയമത്തില് വെള്ളം ചേര്ക്കുന്നെന്നാരോപിച്ച് ദളിത് സംഘടനകള് നടത്തിയ മാര്ച്ചില് ഒമ്പത് ദളിതുകള് മരിക്കാനിടയായ സംഭവത്തില് ജുഡീഷ്യല് അന്വേഷണം വേണമെന്നാവശ്യപ്പെട്ടാണ് ദളിത് സംഘടനകള് ഹര്ത്താലിന് ആഹ്വാനം ചെയ്തത്. രാവിലെ ആറു മുതല് വൈകീട്ട് ആറു വരെയാണ് ഹര്ത്താല്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam