പീഡനക്കേസ് പ്രതികൾക്ക് വധശിക്ഷ ഉറപ്പാക്കണം; ദില്ലി വനിതാ കമ്മീഷന്‍ അദ്ധ്യക്ഷ നിരാഹാര സമരത്തിലേക്ക്

 രാജ്ഘട്ടിന് സമീപം നടക്കുന്ന സമരത്തിന് പിന്തുണ പ്രഖ്യാപിച്ച്‌ നൂറ് കണക്കിന് സ്ത്രീകൾ  പങ്കെടക്കുന്നുണ്ട്.  

ദില്ലി: ബലാത്സംഗക്കേസുകളിലെ പ്രതികൾക്ക് വധശിക്ഷ  നൽകണം എന്നാവശ്യപ്പെട്ട് ദില്ലി വനിതാ കമീഷൻ അദ്ധ്യക്ഷ സ്വാതി മലിവാൾ അനിശ്ചിതകാല നിരാഹാര സമരം തുടങ്ങി. രാജ്ഘട്ടിന് സമീപം നടക്കുന്ന സമരത്തിന് പിന്തുണ പ്രഖ്യാപിച്ച്‌ നൂറ് കണക്കിന് സ്ത്രീകൾ  പങ്കെടക്കുന്നുണ്ട്.  

ഉ​ന്നാ​വോ, ക​ത്വ ബലാത്സംഗ സംഭവങ്ങളില്‍  ദില്ലിയില്‍ കഴിഞ്ഞ ദിവസം രാത്രിയിലും പ്ര​തി​ഷേ​ധം ഉണ്ടായി. ജ​മ്മു കാ​ഷ്മീ​രി​ലെ ക​ത്വ​യി​ൽ ക്രൂ​ര​മാ​യി പീ​ഡ​ന​ത്തി​നാ​യി കൊ​ല്ല​പ്പെ​ട്ട എ​ട്ടു വ​യ​സു​കാ​രിക്ക് നീ​തി ല​ഭി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി വ്യാ​ഴാ​ഴ്ച രാ​ത്രി റാ​ലി ന​ട​ത്തി.  പ്രിയങ്ക ഗാന്ധിയും ഭര്‍ത്താവ് റോബര്‍ട്ട് വദ്രയും മകളും പ്രതിഷേധത്തില്‍ പങ്കെടുത്തു. ദില്ലിയില്‍ ക്രൂരമായി കൊല്ലപ്പെട്ട നിര്‍ഭയ പെണ്‍കുട്ടിയുടെ മാതാപിതാക്കളും പ്രതിഷേധത്തില്‍ എത്തിയെന്നാണ് റിപ്പോര്‍ട്ട്. 

ക​ഴി​ഞ്ഞ ജ​നു​വ​രി 10 ന് ​ആ​ണ് ക​ത്വ​യി​ൽ എ​ട്ടു​വ​യ​സു​കാ​രി ക്രൂ​ര​പീ​ഡ​ന​ത്തി​ന് ഇ​ര​യാ​യ​ത്. എട്ടുവയസുകാരിയെ മ​യ​ക്കു​മ​രു​ന്ന് ന​ൽ​കി ഉ​റ​ക്കി​യ​ശേ​ഷം ക്ഷേത്ര​ത്തി​ന​ക​ത്ത് വ​ച്ച് നി​ര​വ​ധി ദി​വ​സ​ങ്ങ​ളി​ലാ​യി എ​ട്ടു പേ​ർ ചേ​ർ​ന്ന് ബ​ലാ​ത്സം​ഗം ചെ​യ്യു​ക​യും പി​ന്നീ​ട് കൊ​ല​പ്പെ​ടു​ത്തു​ക​യു​മാ​യി​രു​ന്നു.