സൊ​മാ​ലി​യ​യില്‍ വീണ്ടും സ്ഫോടനം: 4 പേ​ര്‍ കൊ​ല്ലപ്പെ​ട്ടു

മൊ​ഗാ​ദി​ഷു: സൊ​മാ​ലി​യ​ന്‍ ത​ല​സ്ഥാ​ന​മാ​യ മൊ​ഗാ​ദി​ഷു​വി​നെ ന​ടു​ക്കി വീ​ണ്ടും സ്‌​ഫോ​ട​നം. ഇ​ര​ട്ട കാ​ർ ബോം​ബ് സ്ഫോ​ട​ന​ത്തി​ൽ കു​റ​ഞ്ഞ​ത് 14 പേ​ര്‍ കൊ​ല്ലപ്പെ​ടു​ക​യും 16ല​ധി​കം പേ​ര്‍​ക്കു പ​രി​ക്കേ​ല്‍​ക്കു​ക​യും ചെ​യ്തു.

ആ​ദ്യ​സ്ഫോ​ട​നം നാ​സാ ഹ​ബോ​ള്‍​ഡ് ഹോ​ട്ട​ലി​ലാ​യി​രു​ന്നു. സ്ഫോ​ട​ക വ​സ്തു​ക്ക​ൾ​നി​റ​ച്ച കാ​ർ ഹോ​ട്ട​ലി​ലേ​ക്ക് ചാ​വേ​ർ ഓ​ടി​ച്ചു​ക​യ​റ്റു​ക​യാ​യി​രു​ന്നു. മൂ​ന്ന് അ​ൽ​ഷ​ബാ​ബ് തീ​വ്ര​വാ​ദി​ക​ൾ ഹോ​ട്ട​ലി​ലേ​ക്ക് ഇ​ര​ച്ചു​ക​യ​റു​ക​യും ചെ​യ്തു. ശ​നി​യാ​ഴ്ച പ്ര​സി​ഡ​ന്‍റ് മു​ഹ​മ്മ​ദ് അ​ബ്ദു​ള്ള ഫ​ർ​മാ​ജോ പ​ങ്കെ​ടു​ത്ത യോ​ഗ​ത്തി​നു വേ​ദി​യാ​യ ഹോ​ട്ട​ലി​ലാ​ണ് ആ​ക്ര​മ​ണം ഉ​ണ്ടാ​യ​ത്. 

പ്ര​സി​ഡ​ന്‍​ഷ്യ​ല്‍ പാ​ല​സി​നു സ​മീ​പ​ത്താ​ണ് ഹോ​ട്ട​ല്‍ സ്ഥി​തി​ചെ​യ്യു​ന്ന​ത്. സൊ​മാ​ലി​യ​ൻ സു​ര​ക്ഷാ സേ​ന തീ​വ്ര​വാ​ദി​ക​ളെ വ​ധി​ച്ചു. സം​ഭ​വം ന​ട​ക്കു​മ്പോ​ൾ പ്ര​സി​ഡ​ന്‍റ് ഹോ​ട്ട​ലി​ൽ ഉ​ണ്ടാ​യി​രു​ന്നി​ല്ല. ഹോ​ട്ട​ലി​നു​ള്ളി​ൽ പ്ര​വേ​ശി​ച്ച തീ​വ്ര​വാ​ദി​ക​ൾ ഗ്ര​നേ​ഡു​ക​ൾ എ​റി​ഞ്ഞു. മ​ര​ണ സം​ഖ്യ ഇ​നി​യും വ​ർ​ധി​ച്ചേ​ക്കു​മെ​ന്ന് ആ​ശ​ങ്ക​യു​ണ്ട്. ഹോ​ട്ട​ലി​നു സ​മീ​പ​മു​ള്ള കെ​ട്ടി​ട​ങ്ങ​ളും സ്ഫോ​ട​ന​ത്തി​ൽ ത​ക​ർ​ന്നു. ശ​നി​യാ​ഴ്ച വൈ​കു​ന്നേ​രം ഹോ​ട്ട​ലി​ൽ അ​ഞ്ച് ഫെ​ഡ​റ​ൽ റി​പ്പ​ബ്ലി​ക്കു​ക​ളു​ടെ യോ​ഗം പ്ര​സി​ഡ​ന്‍റ് വി​ളി​ച്ചി​രു​ന്നു.

ര​ണ്ടാ​മ​ത്തെ സ്ഫോ​ട​നം മു​ൻ പാ​ർ​ല​മെ​ന്‍റ് മ​ന്ദി​ര​ത്തി​നു സ​മീ​പ​മാ​യി​രു​ന്നു. ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വം അ​ല്‍​ഷ​ബാ​ബ് ഭീ​ക​ര​ര്‍ ഏ​റ്റെ​ടു​ത്തു. ര​ണ്ടാ​ഴ്ച മു​മ്പ് ന​ഗ​ര​ത്തി​ലു​ണ്ടാ​യ ര​ണ്ടു വ​ലി​യ സ്‌​ഫോ​ട​ന​ങ്ങ​ളി​ല്‍ 350നു ​മു​ക​ളി​ല്‍ ആ​ളു​ക​ള്‍ കൊ​ല്ല​പ്പെ​ട്ടു.