ഇന്ത്യയിലേക്കുള്ള വിമാനം ലണ്ടന് വിമാനത്താവളത്തില് അടിയന്തരമായി നിലത്തിറക്കി
Synopsis
ജീവനക്കാരുടെ ഡ്യൂട്ടി സമയം അവസാനിച്ചതിനെ തുടര്ന്ന് വിമാനം സര്വ്വീസ് റദ്ദാക്കി
ലണ്ടന്: ന്യൂയോര്ക്കില് നിന്ന് ന്യൂഡല്ഹിയിലേക്ക് വരികയായിരുന്ന യുനൈറ്റഡ് എയര്ലൈന്സ് വിമാനം ലണ്ടനില് അടിയന്തരമായി നിലത്തിറക്കി. യാത്രക്കാരിലൊരാള് ശാരീരിക അസ്വസ്ഥതകള് പ്രകടിപ്പിച്ചതിനെ തുടര്ന്നാണ് വിമാനം ലണ്ടന് ഹീത്രു വിമാനത്താവളത്തിലിറക്കിയത്.
266 യാത്രക്കാരാണ് വിമാനത്തിലുണ്ടായിരുന്നത്. വിമാനത്താവളത്തില് കാത്തുനില്ക്കുകയായിരുന്ന മെഡിക്കല് സംഘം യാത്രക്കാരനെ പരിശോധിച്ച ശേഷം ആശുപത്രിയിലേക്ക് മാറ്റി. ജീവനക്കാരുടെ ഡ്യൂട്ടി സമയം അവസാനിച്ചതിനെ തുടര്ന്ന് വിമാനം സര്വ്വീസ് റദ്ദാക്കി. യാത്രക്കാരെ ഹോട്ടലുകളിലേക്ക് മാറ്റി. യാത്രക്കാരോട് ഖേദം അറിയിച്ചിട്ടുണ്ടെന്നും ഇവരെ അടുത്ത ദിവസം തന്നെ ദില്ലിയിലേക്ക് കൊണ്ടുവരുമെന്നും യുനൈറ്റഡ് എയര്ലൈന്സ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam