ദേവികുളം സബ് കോടതിയിലെ ഹെഡ് ക്ലെര്ക്ക് കോടതിക്ക് സമീപത്തെ മുറിക്കുള്ളില് മരിച്ചനിലയില്
Synopsis
ഇടുക്കി: ദേവികുളം സബ് കോടതിയില് സേവനം അനുഷ്ടിക്കുന്ന ഹെഡ് ക്ലെര്ക്കിനെ സമീപത്തെ മുറിക്കുള്ളില് മരിച്ചനിലയില് കണ്ടെത്തി. കായംകുളം പുത്തന്ചന്തയില് കിനാവുവിളയില് വീട്ടില് ആര്. മധു (48)നെയാണ് കോടതിയ്ക്ക് സമീപത്തെ മുറിക്കുള്ളില് മരിച്ചനിലയില് കണ്ടെത്തിയത്. വ്യാഴാഴ്ച രാവിലെ 10 ന് കോടതിയിലെത്തിയ സഹപ്രവര്ത്തകര് മധുവിനെ അന്വേിച്ചെങ്കിലും കണ്ടില്ല.
തുടര്ന്ന് മുറിയില് പ്രവേശിക്കവെയാണ് മധുവീണുകിടക്കുന്നത് ശ്രദ്ധയില്പ്പെട്ടത്. സംഭവം ദേവികുളം പോലീസിനെ അറിയിച്ച് പരിശോധന നടത്തിയെങ്കിലും മരണം സംഭവിച്ചിരുന്നു. ഭാര്യയുമായി പിണങ്ങി ജീവിക്കുന്ന മധു ദേവികുളത്തെ കോടതിക്ക് സമീപത്തെ മുറിയില് ഒറ്റക്കാണ് താമസിക്കുന്നത്. രാവിലെ ദേവികുളത്തെ ചായക്കടയില് നിന്നും ചായകുടിച്ചാണ് മുറിയിലേക്ക് മടങ്ങിയത്. മ്യതദേഹം കോട്ടയം മെഡിക്കല് കോളേജില് പോസ്റ്റുമാട്ടത്തിനായി കൊണ്ടുപോയി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam