ഇന്ത്യയ്ക്ക് വെല്ലുവിളിയാകുന്ന പ്രഖ്യാപനവുമായി ചൈനീസ് പ്രസിഡന്റ്
Synopsis
ബീജിംഗ്: രാജ്യത്തെ ആക്രമിക്കാനെത്തുന്ന ഏത് ശത്രുക്കളെയും ഇല്ലാതാക്കാനുള്ള കരുത്ത് ചൈനയ്ക്കുണ്ടെന്ന് പ്രസിഡന്റ് ഷീ ജിന്പിങ്. പീപ്പിള്സ് ലിബറേഷന് ആര്മിയുടെ 90-ാം വാര്ഷികത്തോടനുബന്ധിച്ച് രാജ്യത്തെ സൈനീകരെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ചൈനയ്ക്കെതിരെ വരുന്ന എല്ലാ രാജ്യങ്ങളെയും പ്രതിരോധിക്കാനും നശിപ്പിക്കാനുമുള്ള കഴിവും കരുത്തും നമ്മുടെ സൈന്യത്തിനുണ്ടെന്ന ഉറച്ച വിശ്വാസമുണ്ടെന്ന് അദ്ദേഹം പറഞ്ഞു.
ഇത് ഇന്ത്യയ്ക്കുള്ള മുന്നറിയിപ്പായും കരുതപ്പെടുന്നു. ഇന്ത്യ-ചൈന അതിര്ത്തിയായ ദോക് ലാമില് സംഘര്ഷ സാധ്യതയുള്ള മേഖലയില് ഇന്ത്യ സൈന്യത്തെ വിന്യസിച്ചതിനെതിരെ ചൈന രംഗത്തെത്തിയിരുന്നു. സൈന്യത്തെ പിന്വലിക്കാതെ അതിര്ത്തി തര്ക്കത്തില് ചര്ച്ചയ്ക്കില്ലെന്നാണ് ചൈനയുടെ നിലപാട്.
ഇന്ത്യ-ഭൂട്ടാന്-ചൈന അതിര്ത്തികള് ഒന്നിക്കുന്ന ട്രൈ ജംഗ്ഷന് പോയിന്റില് ചൈനയുടെ റോഡ് നിര്മ്മാണം തടഞ്ഞതാണ് അവരെ പ്രകോപിപ്പിച്ചത്. രാജ്യത്തിന്റെ സുരക്ഷ പരിഗണിച്ചാണ് തടഞ്ഞതെന്നാണ് ഇന്ത്യയുടെ വാദം.
ഒരു മാസത്തിലധികമായി ദോക് ലാമില് ഇന്ത്യ-ചൈന പട്ടാളം മുഖാമുഖം നില്ക്കുകയാണ്. ലോകത്തിലെ ഏറ്റവും വലിയ സൈന്യമാണ് ചൈനയുടെ പീപ്പിള്സ് ലിബറേഷന് ആര്മി. 23 ലക്ഷം സൈനീകരാണ് ആര്മിയില് അണി നിരന്നിരിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam