ഫിദല് കാസ്ട്രോയുടെ സംസ്ക്കാരം ഇന്നു നടക്കും
Synopsis
ക്യൂബന് വിപ്ലവ നായകന് ഫിദല് കാസ്ട്രോയുടെ സംസ്കാരം ഇന്ന് സാന്റിയാഗോ ഡീ ക്യൂബയില് നടക്കും. ചിതാഭസ്മവും വഹിച്ചുള്ള നഗരപ്രദക്ഷിണത്തോടെ അന്ത്യകര്മ്മങ്ങള്ക്ക് സമാപനമാകും.
കാസ്ട്രോയുടെ ഭൗതികാവശിഷ്ട പേടകം സാന്റാക്ലാരയിലെ ചെഗുവേര മ്യൂസിയത്തില് സൂക്ഷിക്കും. ക്യൂബയിലെ മറ്റൊരു വിപ്ലവ ഇതിഹാസമായ ഹൊസെ മാര്ട്ടിയുടെ ശവകുടീരത്തിനരികെയാണ് ഫിഡലിനെയും അടക്കംചെയ്യുക. സാന്റിയാഗോയിലെ സെമിത്തേരിയില് ഭൗതികാവശിഷ്ടം അടക്കം ചെയ്യുന്നതോടെ ചടങ്ങുകള് അവസാനിക്കും. ഹവാനയില് നിന്ന് നാലുദിവസത്തെ വിലാപയാത്രയോടെയാണ് കാസ്ട്രോയുടെ ഭൗതികാവശിഷ്ടം സാന്റിയാഗോയില് എത്തിച്ചത്. പതിനായിരങ്ങളാണ് ക്യൂബന് തെരുവീഥികളില് കാസ്ട്രോയ്ക്ക് അന്ത്യാഭിവാദ്യം അര്പ്പിക്കാന് അണിനിരന്നത്. നിരവധി ലോകനേതാക്കള് കാസ്ട്രോയ്ക്ക് അന്ത്യോപചാരം അര്പ്പിക്കാനെത്തി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam