108 ലിറ്റര്‍ വിദേശ മദ്യം പിടികൂടി

കോഴിക്കോട്: വടകരയിൽ 108 ലിറ്റർ വിദേശ മദ്യം പിടികൂടി. മാഹിയിൽ നിന്ന് കാറിൽ കൊണ്ടുവരുകയായിരുന്ന മദ്യമാണ് പിടികൂടിയത്. 2 പേരെ അറസ്റ്റ് ചെയ്തു.
മാഹിയിൽ നിന്ന് വാങ്ങി കോഴിക്കോട് വിതരണം നടത്താനായി കൊണ്ടുവന്ന 108 ലിറ്റർ വിദേശമദ്യമാണ് വടകര എക്സൈസ് സംഘം പിടികൂടിയത്. വിദേശ മദ്യ കുപ്പികൾ പെട്ടികളിലാക്കി കൊണ്ടുവരുകയായിരുന്നു. വാഹന പരിശോധനയ്ക്കായി പൊലീസ് കാറിന് കാർ തടഞ്ഞെങ്കിലും നിർത്താതെ മുന്നോട്ട് പോയി. തുടർന്ന് എക്സൈസ് സംഘം പിന്തുടർന്ന് കാർ പിടികൂടുകയായിരുന്നു. കാർബോഡ് പെട്ടികളിൽ സൂക്ഷിച്ചിരുന്ന 200 വിദേശ മദ്യ കുപ്പികളാണ് കാറിൽ നിന്ന് കണ്ടെടുത്തത്. അഴിയൂർ സ്വദേശികളായ സിദ്ദിഖ്, ഷഫീഖ് എന്നിവരെ വടകര എക്സൈസ് സംഘം അറസ്റ്റ് ചെയ്തു.