മലപ്പുറത്ത് സിനിമാ തിയേറ്ററില്‍ പത്ത് വയസ്സുകാരിയ്ക്ക് നേരെ പീഡനം

സിനിമാ തിയേറ്ററില്‍ പത്ത് വയസ്സുകാരിയ്ക്ക് നേരെ പീഡനം

മലപ്പുറം : തിയേറ്ററില്‍ 10 വയസ്സുകാരിയെ ലൈംഗിക പീഡനത്തിന് ഇരയാക്കുന്ന നടുക്കുന്ന ദൃശ്യങ്ങള്‍ പുറത്ത് വന്നതിന് പിന്നാലെ പ്രതിക്കെതിരെ കേസ്. ഏഷ്യാനെറ്റ് ന്യൂസാണ് ദൃശ്യങ്ങള്‍ പുറത്തുവിട്ടത്. മലപ്പുറത്തെ ഒരു തിയേറ്ററില്‍ ഏപ്രില്‍ 18 നായിരുന്നു സംഭവം. തൃത്താല സ്വദേശി മൊയ്തീൻ കുട്ടിക്കെതിരെ ചങ്ങരംകുളം പൊലീസാണ് കേസെടുത്തത്. പ്രതി ഒളിവിലാണെന്ന് പൊലീസ് വ്യക്തമാക്കി. 

തിയേറ്ററിലെ സിസിടിവിയിലാണ് ഈ ക്രൂര സംഭവം പതിഞ്ഞത്. ഇവര്‍ ദൃശ്യം ചൈല്‍ഡ് ലൈന് കൈമാറുകയായിരുന്നു. ഏപ്രില്‍ 26 ന് ചൈല്‍ഡ് ലൈന്‍ പൊലീസിന് ദൃശ്യങ്ങള്‍ കൈമാറിയിട്ടും വാര്‍ത്ത പുറത്തുവിട്ടശേഷം മാത്രമാണ് കേസ് എടുക്കാന്‍ തയ്യാറായിരിക്കുന്നത് എന്ന ആരോപണവും നിലവിലുണ്ട്.

അമ്മയെന്ന് തോന്നിപ്പിക്കുന്ന സ്ത്രീയോടൊപ്പമെത്തിയ കുട്ടിയാണ് പീഡനത്തിന് ഇരയായത്. അമ്മയെയും കുട്ടിയെയും ഇയാള്‍ ഒരുമിച്ച് ലൈംഗികമായി ഉപയോഗിക്കുന്നത് ദൃശ്യങ്ങളില്‍ വ്യക്തമാണ്.