ഒളിച്ചോട്ടമില്ലാതാക്കാന്‍ പെണ്‍കുട്ടികള്‍ക്ക് ജീന്‍സും മൊബൈലും നിരോധിച്ച് ഒരു ഗ്രാമം

സ്ത്രീകളും പെണ്‍കുട്ടികളും ജീന്‍സും മൊബൈല്‍ ഫോണും ഉപയോഗിക്കുന്നത് നിരോധിച്ച് ഒരു ഗ്രാമപഞ്ചായത്ത്. ഹരിയനായിലെ സോണിപത് ജില്ലയിലെ ഇസൈന്‍പൂര്‍ഗ്രാമത്തിലാണ് നിരോധനം. ജീന്‍സും മൊബൈല്‍ ഫോണും ഉപയോഗിക്കുന്നതു ഒളിച്ചോട്ടം വര്‍ധിപ്പിക്കുമെന്ന് പറഞ്ഞാണ് നിരോധനം.  ഇസൈന്‍പൂര്‍ ഖേദി പഞ്ചായത്താണ് ഉത്തരവ് പുറപ്പെടുവിച്ചിരിക്കുന്നത്.

ഗ്രാമത്തില്‍ പെണ്‍കുട്ടിളെ ജീന്‍സ് ധരിക്കാന്‍ അനുവദിക്കില്ലെന്നും അവര്‍ മൊബൈല്‍ ഫോണ്‍ ദുരുപയോഗം ചെയ്യാനുള്ള സാധ്യത മുന്‍ നിര്‍ത്തി അതു നിരോധിച്ചിട്ടുണ്ടെന്നും ഗ്രാമത്തലവന്‍ സര്‍പാഞ്ച് പ്രേം സിംഗ് പറയുന്നു.

ഈ രണ്ടു വസ്തുക്കളും പെണ്‍കുട്ടികളെ നശിപ്പിക്കും എന്നു പറയുന്നില്ല. പക്ഷേ അത് അവര്‍ക്ക് അനുയോജ്യമല്ല എന്നും ഈ നിയമം നടപ്പിലാക്കിയതു മുതല്‍ ഗ്രാമത്തിലെ സ്ഥിതി കൂടുതല്‍ മെച്ചപ്പെട്ടതായും സിംഗ് വ്യക്തമാക്കി. എന്നാല്‍ വളരെ വിചിത്രമായ ഉത്തരവാണിതെന്നാണു ഗ്രാമത്തിലെ പെണ്‍കുട്ടികളുടെ പ്രതികരണം.