പഞ്ചായത്ത് മെമ്പര് പോലും ആയിട്ടില്ലാത്ത എനിക്ക് ഗവര്ണര് പദവി വെല്ലുവിളി: കുമ്മനം
Synopsis
താന് ചെയ്ത സേവനങ്ങള് കണ്ടറിഞ്ഞാകാം ഈ ഉത്തരവാദിത്വം ഏല്പ്പിച്ചത് - കുമ്മനം
തിരുവനന്തപുരം: പഞ്ചായത്ത് മെമ്പര് പോലും ആയിട്ടില്ലാത്ത തനിക്ക് ഗവര്ണര് പദവി ഒരു വെല്ലുവിളിയാണെന്ന് കുമ്മനം രാജശേഖരന്. തന്നെ ഗവര്ണറായി നിയമിച്ചതില് സന്തോഷവും അഭിമാനവുമുണ്ടെന്നും കുമ്മനം പറഞ്ഞു. സമരം ചെയ്യാനും ഒരു ഗവര്ണര് ആയി പ്രവര്ത്തിക്കാനും അറിയാം എന്ന് തെളിയിക്കേണ്ടത് ഇനി എന്റെ കടമയാണ്. താന് ചെയ്ത സേവനങ്ങള് കണ്ടറിഞ്ഞാകാം ഈ ഉത്തരവാദിത്വം ഏല്പ്പിച്ചത്.
രാഷ്ട്രീയ സാമൂഹിക സാംസ്കാരിക രംഗത്തെ പ്രവര്ത്തിപരിചയം മുതല്കൂട്ടായെന്നും കുമ്മനം മാധ്യമങ്ങളോട് പറഞ്ഞു. തനിക്ക് ഗവര്ണര് പദവി ലഭിച്ചത് കൃത്യമായ സമയത്തല്ല എന്ന അഭിപ്രായം ഇല്ല. കേരളത്തിലെ വിഷയങ്ങളില് കേന്ദ്രത്തിന് ഉള്ള ശ്രദ്ധയും താല്പര്യവും കൂടി ആണ് തനിക്ക് ഈ പദവി ലഭിച്ചതിലൂടെ തെളിയുന്നത്. എന്റെ പദവി കേരളത്തിലെ പാര്ട്ടിയുടെ പ്രവര്ത്തനത്തെ ഒരിക്കലും ബാധിക്കില്ല. ഈ സ്ഥാനം ഏല്ക്കാന് എനിക്ക് വൈമുഖ്യം ഇല്ല. പൊതുപ്രവര്ത്തന ജീവിതത്തില് തന്നെ പിന്തുണച്ചവര്ക്ക് നന്ദിയുണ്ടെന്നും കുമ്മനം പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam