ഇ അഹമ്മദിന് മികച്ച ചികിൽസ നൽകിയെന്ന് കേന്ദ്രസർക്കാർ

ദില്ലി: ആർ എം എൽ ആശുപത്രിയിൽ ഇ അഹമ്മദിനു മികച്ച ചികിത്സയാണു നൽകിയതെന്ന് കേന്ദ്ര പാർലമെന്ററി കാര്യ മന്ത്രി മുക്താർ അബ്ബാസ് നഖ്വി. വിദഗ്ധ ഡോക്ടറുമാരുടെ നേതൃത്വത്തിലാണ് ചികിത്സ നടന്നതെന്നും അവരെ കുറ്റപ്പെടുത്തുന്നതു ശരിയല്ലെന്നും മുക്താർ അബ്ബാസ് നഖ്വി രാജ്യസഭയിൽ പറഞ്ഞു. നന്ദി പ്രമേയ ചർച്ചയ്ക്കിടെ അബ്ദുൾ വഹാബാണ് സംഭവം സഭയിൽ ഉന്നയിച്ചത്. ദുരൂഹതയെക്കുറിച്ച് അന്വേഷിക്കണമെന്ന് പ്രധാനമന്ത്രിയെ കണ്ട് ആവശ്യപ്പെടുമെന്നും അബ്ദുൾ വഹാബ് അറിയിച്ചു.