പത്തനംതിട്ടയില് ഇന്ന് ഹര്ത്താല്
Synopsis
പത്തനംതിട്ടയില് ഇന്ന് മൂന്ന് മണി മുതല് വൈകിട്ട് ആറ് വരെ കോണ്ഗ്രസ് ഹര്ത്താല്. ആന്റോ ആന്റണി എംപിയുടെ പിഎയെ പൊലീസ് മര്ദ്ദിച്ചതില് പ്രതിഷേധിച്ചാണ് ഹര്ത്താല്.
പത്തനംതിട്ട: പത്തനംതിട്ടയില് ഇന്ന് മൂന്ന് മണി മുതല് വൈകിട്ട് ആറ് വരെ കോണ്ഗ്രസ് ഹര്ത്താല്. ആന്റോ ആന്റണി എംപിയുടെ പിഎയെ പൊലീസ് മര്ദ്ദിച്ചതില് പ്രതിഷേധിച്ചാണ് ഹര്ത്താല്.
പത്തനംതിട്ട എംപി ആന്റോ ആന്റണിയുടെ ഓഫീസില് കയറി സിഐയുടെ നേതൃത്വത്തിലുള്ള പൊലീസ് സംഘം മര്ദ്ദിക്കുകയായിരുന്നു. ഗുരുതരമായി പരുക്കേറ്റ സനിലിനെ പത്തനംതിട്ട ജനറല് ആശുപത്രിയിലേക്കു മാറ്റി. പത്തനംതിട്ട കാതോലിക്കറ്റ് കോളജിലെ തിരഞ്ഞെടുപ്പുമായി ബന്ധപ്പെട്ട് ഉണ്ടായ എസ്എഫ്ഐ-കെഎസ്യു സംഘര്ഷത്തിലുണ്ടായ പൊലീസ് നടപടിക്കിടെയാണ് എംപിയുടെ ഓഫീസിലേക്കും അക്രമം ഉണ്ടായത്.
വിദ്യാര്ഥികള് എംപിയുടെ ഓഫിസിലേക്കു കയറിയെന്നു പറഞ്ഞെത്തിയ പൊലീസ് ഗേറ്റ് ചിവിട്ടി തുറക്കുകയും ഓഫിസിലുണ്ടായിരുന്ന സനിലിനെ വളഞ്ഞിട്ടു മര്ദ്ദിക്കുകയും ആയിരുന്നെന്ന് ആന്റോ ആന്റണി ആരോപിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam